فرمائيلي دي: خِیَارُ اُمَّتِیْ مَنْ دَعَا اِلَی اللہِ تَعَالٰی وَ حَبَّبَ عِبَادَہٗ اِلَیْہِ  زما د اُمَّت بهترين كس هغه دے كوم چې دالله پاك طرف ته خلق را اوبلي، او د الله پاك د بندګانو په زړونو كښې د الله پاك محبت پيداكړي. ^([1])

     په دې حديثِ پاك كښې زمونږ خوږ آقا، خاَتَمُ النَّبِيِّيْن صَلَّى اللهُ عَلَيْهِ وَاٰلِهٖ وَسَلَّم د اُمَّت د بهترين كس نښه بيان كړي ده. چنانچه زمونږ د خوږ نبـي صَلَّى اللهُ عَلَيْهِ وَاٰلِهٖ وَسَلَّم په نظر كښې د اُمَّت بهترين كس هغه دے په چا كښې چې دوه صِفَات وي: (1) هغه خلق الله پاك طرف ته رابلي يعنې هغه بنده خلق د الله پاك دِين طرف ته رابلي، دُرُست اسلامي عقائدو طرف ته ئې رابلي، د لمَانځه دعوت وركوي، د روژو دعوت وركوي، د قرآنِ كريم د تلاوت دعوت وركوي، د حُسنِ اخلاق دعوت وركوي، د بندګانو د حقونو ادا كولو دعوت وركوي، غرض: څومره د نيكئ كارونه چې دي، هغې طرف ته رابلل کوي ځکه چې هره نيكي د الله پاك د قُرب ذريعه ده. (2) بيا د دې سره سره په هغه بنده كښې دويم صِفَت دا وي چې د الله پاك د بندګانو په زړونو كښې د الله پاك محبت پيدا كړي. مثَلاً په حكمتِ عملئ سره، د خپل ښکلي کردار او د خپلې تاثير لرونكي ژبې په ذريعه خلق زُهد و تقوٰى طرف ته راغب كړي. د خلقو د زړونو نه د دُنيا محبت اوباسي، په زړونو كښې فِكرِ آخرت پيدا كړي، د خوفِ خدا په ذريعه د نَفسِ اَمَّاره كوم چې انسان ګناهونو ته راپاروي د هغه [نَفسِ اَمَّاره] زور مات كړي، بيا ورته د رحمتِ اِلٰهي اُمِّيد وركړي او د الله پاك په دربار كښې ئې حاضر كړي. 

     د عَلَّامَه مناوي رَحْمَةُ اللهِ عَلَيْه د فرمان مضمون دے: دا دوه خبرې يعنې د نيكئ دعوت وركول او د بندګانو په زړونو كښې د الله پاك محبت پيدا كول، د دې نه علاوه د دې