قرآنِ کريم تلاوت کول۔ ياد ساتئ چې قرآنِ کريم داسې لوستل فرض دي چې يو حرف د بل حرف نه ممتاز (يعنې الف او ع، س او ص، ق او ک، ح او ه وغيره د يو شان اوازونو والا حرفونه د يو بَل نه جدا) وي، حرکات (زبر، زير، پيش وغيره) صحيح ادا کړے شي او داسې د حرفونو او د حرکاتو د کمي او زياتي نه هم ځان بچ کول فرض دي، د کوم پۀ وجه چې معنیٰ فاسد کيږي۔ ^([1])  خوږو او محترمو اِسلامي وروڼو! څوک چې پۀ صحيح طريقه باندې قرآنِ کريم نشي لوستلے هغوئي له پکار دي چې پۀ مدرسة الـمدينه بالغان کښې داخله واخلي او د صحيح تجويد او قراءَت سره قرآنِ کريم لوستل زده کړي او د حقونو د خيال ساتلو سره د قرآنِ کريم تلاوت وکړي۔ امام اعظم ابو حنيفه  رَحْمَةُ  الله  عَلَيْه  فرمائي: د قرآنِ کريم دا حق دے چې دا پۀ کال کښې دوه ځل پوره ولوستلے شي۔ ^([2])

د قرآنِ کريم د تلاوت فضيلتونه: د قرآنِ کريم تلاوت افضل عبادت دے ^([3])* د قرآنِ کريم پۀ يو حرف لوستلو باندې د 10 نيکو ثواب ميلاؤيږي ^([4]) * د قرآنِ پاک پۀ لوستلو سره رحمتونه نازليږي * فرښتے پۀ وزرو باندې سوري کوي * سکينه نازليږي ^([5]) * د قيامت پۀ ورځ باندې به قرآنِ پاک د خپل لوستونکو شفاعت کوي ^([6]) * قرآنِ کريم لوستلو والا د  الله  پاک خاص بنده دے۔ ^([7])

دويم حق: پۀ قرآنِ کريم باندې عمل کول