* عبد الله بِن اُبَي جيڪو مُنَافِقن جو سردار هو، اهو جڏهن واصِلِ جهنّم ٿيو، ان وقت حضرت عمر فاروقِ اعظم رَضِىَ اللهُ عَنۡه عرض ڪيو: يارَسُول الله صَلَّى اللّٰهُ عَلَيۡهِ واٰلِهٖ وَسَلَّمَ! هن ڪافِر مُنَافِق جي جنازي نماز نه پڙھي وڃي، ان تي قرآني حڪم نازِل ٿيو؛

وَ لَا تُصَلِّ عَلٰۤى اَحَدٍ مِّنْهُمْ مَّاتَ اَبَدًا وَّ لَا تَقُمْ عَلٰى قَبْرِهٖؕ-  (پاره10،سورۃالتوبۃ:84)      

ترجموڪنزالايمان: ۽ انهن مان ڪنهن جي به ميت تي نماز نه پڙهجانءِ ۽ نه ان جي قبر تي بيهجانءِ.

* هڪ ڀيري ”اِبنِ صُوريا“ جيڪو ڪافِر هو، ان چيو: اسان جبريل جا دُشمن آهيون، جيڪڏهن توهان جي نبي صَلَّى اللّٰهُ عَلَيۡهِ واٰلِهٖ وَسَلَّمَ وٽ ميڪائيل وحي کڻي اچي ها ته اسان ڪلمو پڙهون ها، هن بدبخت جي اهڙي گستاخي واري گفتگو تي حضرت عمر رَضِىَ اللهُ عَنۡه جن فرمايو: مَنْ كَانَ عَدُوًّا لِّلّٰهِ وَ مَلٰٓىٕكَتِهٖ وَ رُسُلِهٖ وَ جِبْرِیْلَ وَ مِیْكٰىلَ فَاِنَّ اللّٰهَ عَدُوٌّ لِّلْكٰفِرِیْنَ ۔

حضرت عمر رَضِىَ اللهُ عَنۡه هن ڪافِر کي اهو جواب ڏنو، هوڏانهن حضرت جبريل عَلَيه السَّلَام بارگاھِ رسالت ۾ حاضِر ٿيا ۽ اهي ئي جملا آيتِ قرآني بڻجي نازِل ٿيا، الله پاڪ فرمايو:

مَنْ كَانَ عَدُوًّا لِّلّٰهِ وَ مَلٰٓىٕكَتِهٖ وَ رُسُلِهٖ وَ جِبْرِیْلَ وَ مِیْكٰىلَ فَاِنَّ اللّٰهَ عَدُوٌّ لِّلْكٰفِرِیْنَ(۹۸)  (پاره1،سورۃالبقرۃ:98) 

ترجموڪنزالايمان:  جيڪو الله ۽ ان جي ملائڪن ۽ سندس رسول ۽ جبرئيل ۽ ميڪائيل جو دشمن ٿيندو پوءِ الله (به اهڙن) ڪافرن جو دشمن آهي.