* اهڙي طرح اسلام ۾ پهريان شراب حلال هئي، هڪ ڀيري حضرت عمر فاروقِ اعظم رَضِىَ اللهُ عَنۡه دُعا گھري: اَللّٰهمَّ بَيِّنۡ لَنَا فِي الخَمرِ يعني اِلٰهي! شراب جي مُعَامَلي ۾ اسان جي رهنمائي فرماءِ۔ هن تي اها آيت سڳوري نازِل ٿي:

یٰۤاَیُّهَا الَّذِیْنَ اٰمَنُوْا لَا تَقْرَبُوا الصَّلٰوةَ وَ اَنْتُمْ سُكٰرٰى حَتّٰى تَعْلَمُوْا مَا تَقُوْلُوْنَ  (پاره5،سورۃالنساء:43)

 ترجموڪنزالايمان: اي ايمان وارؤ نشي جي حالت ۾ نماز کي ويجها نه وڃو جيستائين جو ايترو هوش نه هجي جو اهو سمجهو جيڪي چئو.

هن آيت ۾ صِرف نمازن جي وقتن ۾ شراب پيئڻ کان منع ڪيو ويو، پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنۡه کي گھرائي اها آيت ڪريمه ٻُڌائي، حضرت عمر رَضِىَ اللهُ عَنۡه وري دُعا گُھري: اِلٰهي! مزيد واضِح حڪم عطا فرماءِ، پوءِ هيءَ آيتِ ڪريمه نازِل ٿي:

یَسْــٴَـلُوْنَكَ عَنِ الْخَمْرِ وَ الْمَیْسِرِؕ-قُلْ فِیْهِمَاۤ اِثْمٌ كَبِیْرٌ وَّ مَنَافِعُ لِلنَّاسِ٘-وَ اِثْمُهُمَاۤ اَكْبَرُ مِنْ نَّفْعِهِمَاؕ-

(پاره2،سورۃالبقرۃ:219)

ترجموڪنزالايمان:توهان کان شراب ۽ جوا جو حڪم پڇن ٿا، اوهان فرمايو ته انهن ٻنهي ۾ وڏو گناھ آهي ۽ ماڻهن لاءِ ڪجھ دنياوي نفعو به آهي پر انهن ٻنهي جو گناھ سندن نفعي کان گهڻو وڏو آهي.

هن آيت ڪريمه ۾ شراب جي بُرائي بيان ڪئي وئي پر ان کي مڪمل طَور تي حرام قرار ناهي ڏنو ويو، پياري آقا، ٻنهي جھانن جي داتا صَلَّى اللّٰهُ عَلَيۡهِ واٰلِهٖ وَسَلَّمَ حضرت عمر رَضِىَ اللهُ عَنۡه کي گھرايو، اها آيت ٻُڌائي، حضرت عمر رَضِىَ اللهُ عَنۡه وري دُعا گھري: اِلٰهي! اڃا واضِح حڪم عطا فرماءِ، هاڻي هيءَ  آيتِ ڪريمه نازِل ٿي: