۾ پيش آيو، ان) ۾ مسلمانن کي سخت تڪليفن کي منهن ڏيڻو پيو* سخت سردي جي موسم هئي * کاڌي خوراڪ جي کوٽ هئي * صحابه ڪرام عَلَيۡهِم الرِّضْوَان سخت بک سبب پيٽ تي پٿر ٻڌا هئا * ۽ انهيءَ حالت ۾ خندق (يعني گهرا کَڏا) کوٽي رهيا هئا * ان سان گڏوگڏ سخت دشمن جو مقابلو به هو *۽ مدينه منوره جي اندر موجود غير مسلم ۽ منافق به سازشون ڪري رهيا هئا. ڄڻ مسلمانن تي چئني طرفن کان تڪليفون ئي تڪليفون اچي ويون هيون، ان موقعي تي هيءَ آيتِ ڪريمه نازل ٿي، جنهن ۾ مسلمانن کي گذريل امتن جا حالات ٻڌائي صبر ڏياريو ويو.^)[1](

آيتِ ڪريمه جي مختصر وضاحت

جيئن ته ارشاد ٿئي ٿو

اَمْ حَسِبْتُمْ  اَنْ تَدْخُلُوا الْجَنَّۃَ وَ لَمَّا یَاْتِکُمْ مَّثَلُ الَّذِیْنَ خَلَوْا مِنْ قَبْلِکُمْ ؕ مَسَّتْہُمُ الْبَاْسَآءُ  وَ الضَّرَّآءُ وَ زُلْزِلُوْا حَتّٰی یَقُوْلَ الرَّسُوْلُ وَ الَّذِیْنَ اٰمَنُوْا مَعَہٗ مَتٰی نَصْرُ  اللّٰہِ ؕ اَلَاۤ اِنَّ نَصْرَ اللّٰہِ  قَرِیْبٌ (۲۱۴)

(سيپارو: 2، البقرة: 214)

ترجمو ڪنزُ العرفان: ڇا توهان جو اهو گمان آهي ته  جنّت ۾ داخل ٿي ويندؤ حالانڪه اڃان توهان تي پهرين ماڻهن جهڙي حالت نه آئي. انهن کي سختي ۽ تڪليف پهتي ۽ انهن کي زور سان لوڏيو ويو ايستائين جو رسول ۽ انهن سان گڏ ايماڻ آڻڻ وارا چوڻ لڳا: الله جي مدد ڪڏهن ايندي؟ ٻڌو! بيشڪ الله جي مدد ويجهو آهي.