اے عاشقان ِ رسول! اچھّی اچھّی نیّتوں سے عمل کا ثواب بڑھ جاتا ہے۔ آئیے! بیان سننے سے پہلے کچھ اچھّی اچھّی نیّتیں کر لیتے ہیں، نیت کیجئے!*رضائے الٰہی کے لیے  بیان سُنوں گا*بااَدَب بیٹھوں گا* خوب تَوَجُّہ سے بیان سُنوں گا*جو سُنوں گا، اُسے یاد رکھنے، خُود عمل کرنے اور دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

2آیاتِ کریمہ اور اُن کی وضاحت

پیارے اسلامی بھائیو!  آج ہم اِنْ شَآءَ اللہُ الْکَرِیْم! اَہْلِ بیتِ اَطْہار، پیارے آقا، مکی مدنی مصطفےٰ   صلی اللہُ عَلَیْہِ وَ آلِہٖ وَسَلَّم   کی پیاری اَوْلادِ پاک کا ذِکْرِ خیر سنیں گے۔ آئیے! حُصُولِ بَرَکت اور ہِدایت کے لیے  پہلے 2قرآنی آیات اور ان کی وضاحت سُنتے ہیں:

پہلی آیتِ کریمہ: پارہ:22، سُورۂ اَحْزاب، آیت:33 میں اللہ پاک فرماتا ہے:

اِنَّمَا یُرِیْدُ اللّٰهُ لِیُذْهِبَ عَنْكُمُ الرِّجْسَ اَهْلَ الْبَیْتِ وَ یُطَهِّرَكُمْ تَطْهِیْرًاۚ(۳۳)

تَرْجمۂ کَنْزُالعِرْفان: اے نبی کے گھر والو! اللہ تو یہی چاہتا ہے کہ تم سے ہر ناپاکی دور فرما دے اور تمہیں پاک کرکے خوب صاف ستھرا کردے۔

یہ بڑی مشہور آیتِ کریمہ ہے، اسے آیتِ تَطْہِیْر کہتے ہیں یعنی وہ آیتِ کریمہ جس میں اَہْلِ بیتِ اَطْہار کی پاکی کا بیان ہواہے۔ اِسی آیت کی طرف اِشارہ کر کے اعلیٰ حضرت کے بھائی جان مولانا حسن رضا خان   رحمۃُ اللہِ علیہ ما  نے فرمایا:

اُن کی پاکی کا خُدائے پاک کرتا ہے بیاں                   آیۂ تَطْہِیر سے ظاہِر ہے شانِ اَہْلِ بیت

اَہْلِ بیت سے مُراد کون...؟

پیارے اسلامی بھائیو!  اس آیتِ کریمہ کے متعلق 2باتیں ذِہن میں بٹھا لیجیے! (1):   قرآنِ