Book Name:Milad e Mustafa
شہریار کی آمد مرحبا شَہِ ابرار کی آمد مرحبا
حضرت عیسیٰ عَلَیْہِ السَّلَام کی بشارت
حضرت ابو موسیٰ اشعری رَضِیَ اللہُ عَنْہُ فرماتے ہیں : رسولِ کریم صَلَّی اللہُ عَلَیْہِ وَاٰلِہٖ وَسَلَّم نے ہمیں نجاشی بادشاہ کے ملک میں چلے جانے کا حکم فرمایا(جب ہم اس کے پاس گئے تو) نجاشی بادشاہ نے کہا : میں گواہی دیتا ہوں کہ محمد مصطفی صَلَّی اللہُ عَلَیْہِ وَاٰلِہٖ وَسَلَّم اللّٰہ تعالیٰ کے رسول ہیں اور وہی رسول ہیں جن کی حضرت عیسیٰ عَلَیْہِ السَّلَام نے بشارت دی ، اگر مجھ پر اُمورِ سلطنت کی پابندیاں نہ ہوتیں تو میں اُن کی خدمت میں حاضر ہو کر نعلین اُٹھانے کی خدمت بجالاتا۔ [1]
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
دَسویں حصے کا شکر بھی ادا نہیں ہو سکتا
حضرت امام اِبراہیم بِن اَحمد رَحْمَۃُ اللّٰہِ عَلَیْہِ فرماتے ہیں : اگر آپ صَلَّی اللہُ عَلَیْہِ وَاٰلہٖ وَسَلَّمکے میلاد کی رات ساری مخلوق سَر کے بل کھڑی رہے اور رَسُوْلُ اللہ صَلَّی اللہُ عَلَیْہِ وَاٰلہٖ وَسَلَّم کا شکر ادا کرتی رہے جو اللہ پاک کی طرف سے ایک بہت بڑی نعمت ہیں تو اُس کے دَسویں حصے کا بھی شکر ادا نہیں کر سکتے۔ [2]
صَلُّوْا عَلَی الْحَبِیْب! صَلَّی اللہُ عَلٰی مُحَمَّد