اَللّٰهُمَّ ارْزُقْنِي شَهَادَةً فِي سَبِيْلِكَ وَاجْعَلْ مَوْتِي فِي بَلَدِ رَسُولِكَ صَلَّی اللہُ  عَلَیْہِ وَاٰلِہٖ وَسَلَّمَ یعنی اے   اللہ  پاک! مجھے اپنی راہ میں شہادت اور اپنے محبوب صَلَّی اللہُ  عَلَیْہِ وَاٰلِہٖ وَسَلَّمَ کے شہر میں مَوْت عطا فرما۔ (بخاری، کتاب فضائل المدینۃ، باب کراھیۃ النبی۔۔۔الخ، ج۱، ص۶۲۲، حدیث:۱۸۹۰)اورآپ رَضِیَ اللہُ  عَنْہُ کی یہ دونوں دُعائیں مَقْبول ہوئیں۔ اٰمِیْن بِجاہِ النَّبِیِّ الْاَمِیْن صلَّی اللہُ تَعَالیٰ عَلَیْہِ وَاٰلِہٖ وَسَلَّم

صَلُّو ْا عَلَی الْحَبِیْب!                                                                                       صَلَّی اللہُ  عَلٰی مُحَمَّد

فاروقِ اعظم اور اِتّباعِ رسول 

 پیارے اسلامی بھائیو!اگر کوئی کسی سے مَحَبَّت کا دَم بھرتاہے تواس جیسا بننے، اس کی اَداؤں کو اَپنانے اور اس کی پیروی میں ہی ساری زِنْدگی گُزارنے کی کوشش کرتاہے۔ اَمِیْرُالْمُؤمنین حضرت  عُمر فارُوقِ اَعْظمرَضِیَ اللہُ  عَنْہُ کےعشقِ رسول  کا اَنْدازہ اس بات سے بھی لگایا جاسکتا ہے کہ آپ رَضِیَ اللہُ  عَنْہُ  ہرمُعامَلے میں دو عالَم کےآقا،مکی مَدَنی مُصْطفےٰ،حبیبِ کبریاصَلَّی اللہُ  عَلَیْہِ وَاٰلِہٖ وَسَلَّمَ  کی اِتّباع (پیروی )کرتے تھے۔چُنانچہ

بڑھی ہوئی آ ستینوں کو چُھری سے کاٹ لیا:

حضرت  عبدُ اللہبن عُمر رَضِیَ اللہُ  عَنْہُ سے روایت ہے کہ اَمِیْرُ الْمُؤمنین حضرت  عُمر فارُوقِ اعظمرَضِیَ اللہُ  عَنْہُ نے نئی قمیص پہنی تو چُھری منگوائی اور فرمایا:اے بیٹے ! اس کی لمبی آستینوں کو سِرے سے پکڑ کر کھینچو اورجہاں تک میری اُنگلیاں ہیں،ان کے آگے سے کپڑا کاٹ دو۔  عبدُ اللہبن عُمر رَضِیَ اللہُ  عَنْہُفرماتے ہیں کہ میں نے اسے کاٹا تو وہ بالکل سیدھا نہیں بلکہ اُوپر نیچے سے کَٹا۔ میں نے عرض کیا:ابا جان! اگر اسے قینچی سے کاٹا جاتا تو بہتر رہتا؟آپ رَضِیَ اللہُ  عَنْہُنے فرمایا: بیٹا! اسے ایسے ہی رہنے دو کیونکہ میں نے شَفِیْعُ