Book Name:Farooq-e-Azam ka Ishq-e-Rasool
(ترمذی ، کتاب الوتر،باب ماجآء فی فضل الصلوۃ…الخ،۲/۲۸،حدیث:۴۸۶)
صَلُّو ْا عَلَی الْحَبِیْب! صَلَّی اللہُ عَلٰی مُحَمَّد
فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم حاصل کرنے کے لئے پورا بیان سُنوں گا * با اَدب بیٹھوں گا *دورانِ بیان سُستی سے بچوں گا *اپنی اِصْلاح کے لئے بیان سُنوں گا *جو سُنوں گا دوسروں تک پہنچانے کی کوشش کروں گا۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
پیارے اسلامی بھائیو!رَسُولِ اکرم ،شہنشاہِ بنی آدم صَلَّی اللہُ عَلَیْہِ وَاٰلِہٖ وَسَلَّمَ کے تمام صحابۂ کرام عَلَیْہِمُ الرِّضْوَان اپنی اپنی جگہ بے مِثْل و بے مِثال ہیں، سب ہی آسمانِ ہِدایت کے تارے اوراللہ کریم اور اس کے حبیبصَلَّی اللہُ عَلَیْہِ وَاٰلِہٖ وَسَلَّمَ کے پیارے ہیں،لیکن ان میں سے بعض کوبعض پرفضیلت حاصل ہےاورسب صحابہ میں اَفْضل خُلفائے راشدینرَضِیَ اللہُ عَنْہُم ہیں،اِنہی خُلَفاءمیں سےدوسرےخلیفۂ راشد، اَمِیْرُالمؤمنین حضرت عُمرِ فارُوقِ اعظمرَضِیَ اللہُ عَنْہُ ہیں،آپ کا یومِ شہادت یَکُمْ مُحَرَّمُ الْحَرام ہے۔ آئیے!اسی مُناسَبَت سےآپرَضِیَ اللہُ عَنْہُکی زِنْدَگی کےایک روشن پہلو’’عشقِ رَسُوْل‘‘کے بارے میں سُننے کی سَعادَت حاصل کرتے ہیں ۔