نمازیں پڑھا کرتے تھے، ہمارے ساتھ روزے رکھا کرتے تھے، ہمارے ساتھ مِل کر نیک اَعْمال کیا کرتے تھے۔  اللہ  پاک فرمائے گا: اِذْہَبُوْا! یعنی جہنّم کے اندر چلے جاؤ! فَمَنْ وَّجَدْتُمْ فِي قَلْبِهٖ مِثْقَالَ دِينَارٍ مِّنْ اِيمَانٍ فَاَخْرِجُوْهٗ جس کے دِل میں دینارکے  برابر بھی ایمان پاؤ! اسے جہنّم سے نکال کر لے آؤ! محبوبِ ذیشان صَلَّی  اللہ  عَلَیْہِ وَ آلِہٖ وَسَلَّم نے فرمایا: ان بخشے ہوؤں پر جہنّم کی آگ حرام کر دی جائے گی، یہ جہنّم کے اندر چلے جائیں گے اور جس جس کو پہچانتے ہوں گے، انہیں نکال کر باہَر لے آئیں گے۔^([1])

 سُبْحٰنَ  اللہ ! یہ ہے  اللہ  والوں کے ساتھ دِل لگانے کی بَرَکت...!! اپنے دِلوں میں  اللہ  والوں کی محبّت بسا لیں، دِلوں کا رُخ  اللہ  والوں کی طرف کر دیں، خُود کو ان کے ساتھ مانُوس کر لیں، اِنْ شَآءَ  اللہ  الْکَرِیْم! یہ وہ نسبت ہے، جو قیامت کے دِن بھی ضُرور کام آئے گی۔

مُرِیْدِیْ لَا تَخَفْ فرماتے آؤ                                                                                   بَلاؤں میں ہے یہ ناشاد یا غوث!

اندھیری رات، جنگل میں اکیلا                                                               مدد کا وقت ہے فریاد یا غوث!

حسنؔ منگتا ہے دے دے بھیک داتا                             رہے     یہ      راج        پاٹ      آباد          یا غوث!^([2])

 اللہ  پاک ہماری نسبتوں کو سلامت رکھے۔  اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم  ۔

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

 اللہ  والوں کو آئیڈیل بنائیے...!!

پیارے اسلامی بھائیو! یہاں اب ایک اَور بات پر تَوَجُّہ کیجیے!  اللہ  پاک نے فرمایا: