گزر جانے کے بعد بھی اب تک غُلامانِ غوثِ اعظم ربیعُ الآخر میں خصوصاً اور اس کے عِلاوہ ہر اِسْلامی مہینے کی 11 تاریخ کو ذَوق و شوق کے ساتھ 11 وِیں شریف کا اہتمام کرتے ہیں۔

تیرے جَدْ کی ہے بارہویں غوثِ اعظم                     ملی ہے تجھے گیارہویں غوثِ اعظم

کوئی ان کے رُتبہ کو کیا جانتا ہے                                                           مُحَمَّد کے ہیں جانشیں غوثِ اعظم

ہوئے اَولیا ذی شرف گرچہ لاکھوں                                     مگر سب سے ہیں بہتریں غوثِ اعظم

تجھے سب نے جانا، تجھے سب نے مانا                          تِری سب میں دُھومیں مچیں غوثِ اعظم^([1])

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

 غوثِ پاک فیضانِ مصطفےٰ ہیں

دوسری بات یہ ذِہن میں رکھیے! تمام اَوْلیائے کرام  رحمۃُ  اللہ  علیہ م کسی نہ کسی نبی  علیہ السَّلام  کی صِفَت مبارَک پر ہوتے ہیں *مثلاً حضرت اِبْراہیم  علیہ السَّلام بہت رحمدِل، حِلْم والے تھے، بعض اَوْلیائے کرام پر رحمدِلی اور حِلْم کا غلبہ ہوتا ہے *حضرت موسیٰ  علیہ السَّلام  جلال والے نبی تھے، بعض اَوْلیائے کرام پر جلال کا غلبہ ہوتا ہے *حضرت نُوح  علیہ السَّلام  کثرت سے گریہ فرماتے تھے، بعض اَوْلیائے کرام پر خوفِ خُدا کا غلبہ ہوتا ہے *حضرت عیسیٰ  علیہ السَّلام  دُنیا سے بےرغبتی رکھنے والے تھے، بعض اَوْلیائے کرام پر زُہْد اور فقر کا غلبہ ہوتا ہے مگر حُضُور غوثِ پاک شیخ عبدُ القادِر جیلانی  رحمۃُ  اللہ  علیہ  کی شان یہ ہے کہ آپ صِفَت مصطفےٰ  صَلَّی  اللہ  عَلَیْہِ وَ آلِہٖ وَ سَلَّم  پر ہیں۔ جیسے پیارے مَحْبوب  صَلَّی  اللہ  عَلَیْہِ وَ آلِہٖ وَ سَلَّم  نبیوں میں تمام صِفَات کے جامِع ہیں، یُونہی غوثِ پاک  رحمۃُ  اللہ  علیہ  ولیوں میں سب اچھی صِفَات میں کامِل