ہیں۔ خُود فرماتے ہیں:

وَکُلُّ وَلِیٍّ لَہٗ قَدَمٌ وَّاِنِّیْ

عَلٰی قَدَمِ النَّبِیِّ بَدْرِ الْکَمَالٖ^([1])

ترجمہ: یعنی ہر ولی کسی نبی  علیہ السَّلام کے قدم پر ہوتا ہے اور بے شک مَیں نبی پاک صاحبِ لولاک صَلَّی  اللہ  عَلَیْہِ وَ آلِہٖ وَسَلَّم کے قدمِ اقدس پر ہوں، جو آسمانِ کمال کے کامِل چاند ہیں ۔

یہ بڑی پیاری بات ہے، پیارے آقا، مکی مَدَنی مصطفےٰ  صَلَّی  اللہ  عَلَیْہِ وَ آلِہٖ وَ سَلَّم  کا فیضان شریف پُوری آب و تاب کے ساتھ ذاتِ غوثِ پاک میں چمکتا ہے۔ دیکھیے! *پیارے آقا  صَلَّی  اللہ  عَلَیْہِ وَ آلِہٖ وَ سَلَّم  کی نبوّت ہر ایک کے لیے عام ہے، آپ ساری مَخلُوقات کے نبی ہیں، یونہی غوثِ پاک  رحمۃُ  اللہ  علیہ  کی وِلایَت پُورے جہان کے ولیوں اور عاشقوں کے لیے عام ہے، خُود فرمایا: قَدَمِیْ ہٰذِہٖ عَلٰی رَقْبَۃِ کُلِّ وَلِیِّ  اللہ  یعنی میرا یہ قدم ہر وَلِیُّ  اللہ  کی گردن پر ہے۔^([2])  

قدم گردن اَوْلیا پر ہے تیرا

ہے       تُو       ربّ        کا       اَیسا       وَلی      غوثِ      اعظم^([3])

*اسی طرح سرکارِ عالی وقار، مکی مَدَنی تاجدار  صَلَّی  اللہ  عَلَیْہِ وَ آلِہٖ وَ سَلَّم  کو  اللہ  پاک نے سراپا معجزہ بنایا، یُونہی غوثِ پاک  رحمۃُ  اللہ  علیہ  کو سراپا کرامت بنایا ہے *پیارے آقا  صَلَّی  اللہ  عَلَیْہِ وَ آلِہٖ وَ سَلَّم  کی آمد سے پہلے سب نبی آپ  صَلَّی  اللہ  عَلَیْہِ وَ آلِہٖ وَ سَلَّم  کی آمد کے چرچے کرتے آئے، یونہی حُضُور غوثِ پاک  رحمۃُ  اللہ  علیہ  سے پہلے کے اَوْلیائے کرام  رحمۃُ  اللہ  علیہ م آپ کی