درس میں شریک ہونے لگا ، رفتہ رفتہ میرے دل کی سیاہی دورہونے لگی ، حتیٰ کہ میں دعوتِ اسلامی کے ہفتہ واراجتماع  میں حاضری دینے لگا ، الحمدللہ عقل ٹھکانے آئی ، بدمذہبوں کی صحبت سے جان چھڑائی اور چہرے پر داڑھی سجائی ، ہمارے چاروں کمروں میں T.V رکھے ہوئے تھےالحمد للہ باہمی مشورہ سےچاروں T.V گھر سے نکال دئیے۔

بری صحبتوں سے کنارہ کشی کر             اور اچھوں کے پاس آکےپا مدنی ماحول

تمہیں لطف آ جائے گا زندگی کا            قریب آ کے دیکھوذرا مدنی ماحول

صَلُّوا عَلَی الْحَبیب!                                    صَلَّی اللّٰہُ عَلٰی مُحَمَّد

پیارے اسلامی بھائیو! بیان کو اختتام کی طرف لاتے ہوئے سُنّت کی فضیلت اور  چند آدابِ زندگی بیان کرنے کی سَعَادت حاصِل کرتا ہوں۔ تاجدارِ رسالت ، شہنشاہِ نبوت صَلّی اللہُ عَلَیْہ وآلِہ وسَلَّمنےفرمایا : مَنْ اَحَبَّ سُنَّتِي فَقَدْ اَحَبَّنِي وَمَنْ اَحَبَّنِي كَانَ مَعِي فِي الْجنَّة جس  نے میری سُنّت سے محبت کی اس نے مجھ سے محبت کی اور جس نے مجھ سے محبت کی وہ جنّت میں میرے ساتھ ہو گا۔ ^([1])

سینہ تیری سُنّت کا مدینہ بنے آقا!               جنت میں پڑوسی مجھے تم اپنا بنانا

جانوروں پر شفقت سُنَّتِ مصطفےٰ ہے

فرمانِ آخری نبی صَلَّی اللّٰہ عَلَیْہِ وسَلَّم : جس نے (کسی چیز پر) رحم کیا خواہ وہ چڑیا کا ذبیحہ ہی کیوں نہ ہو  اللہ پاک قیامت کے دن اس پر رحم فرمائے گا۔ ^([2])