بُڑھیا کو ثواب کی نِیّت سے ایک دِرْہم(یعنی چاندی کا سکہ) دیا تھا ، وہی کام آگیا۔ پھر میں نے پوچھا : یہ گھوڑے کیسے ہیں؟ بولا : یہ سب میری بَقَرہ عید کی قربانیاں ہیں اور جس پر میں سُوار ہوں ، یہ میری سب سے پہلی قُربانی ہے۔ میں نے پوچھا : اب کہاں کا ارادہ ہے؟ بولا : جنّت کا۔ یہ کہہ کر میرا بھائی میری نظر سے اَوجَھل ہو گیا۔ ^([1])  اللہ پاک کی اُن پر رَحْمت ہو اور اُن کے صدقے ہماری بےحساب  مَغْفِرَت  ہو۔ آمین بجاہ النبی الامین صَلَّی اللہُ عَلَیْہِ وَاٰلِہٖ وَسَلَّم ۔  

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو!  قُربانی سُنَّتِ  ابراہیمی ، سُنّتِ مصطفےٰ بلکہ سُنَّتِ انبیا ہے ، چونکہ بَقَرہ عید قریب ہی ہے اور بقرہ عید کی سب سے اَہَم اور خصوصی عِبَادت قربانی ہے ، اسی مُناسَبَت سے آج ہم اِنْ شَآءَ اللہُ الْکَرِیْم! قربانی کے تعلق سے قرآنِ کریم کی 3 آیات ، ان کی وضاحت اور اِن آیات کی روشنی میں عِلْم و حکمت کے مدنی پھول سننے کی سَعَادت حاصِل کریں گے۔ اللہ پاک ہمیں قرآنِ کریم سمجھنے ، اس پر عمل کرنے اور اللہ پاک کی بارگاہ میں جان ، مال ، وقت وغیرہ کی قربانیاں پیش کرنے کا جذبہ نصیب فرمائے اور کاش! روزِ قیامت اللہ پاک کی رحمت سے بےحساب جنّت میں داخلہ نصیب ہو جائے۔

یَـــا اَلـــلّٰـــهُ  یَـــا رَحْـمٰـن                           یَـــا حَـــنَّـــانُ یَـــا مَـــنَّـــان

بخش دے بخشے ہوؤں کا صدقہ              یااللہ! مِری جھولی بھر دے

نارِ جہنّم سے تُو بچانا                            خُلد بریں میں مجھ کو بسانا

یَارَبّ از پئے شاہِ مدینہ                          یااللہ! مِری جھولی بھر دے