اے عاشِقانِ رسول! اے عاشقانِ صحابه و اهلِ بَيت! اَمِیْرُ الْمُؤْمِنِیْن، حضرت عُثمانِ غنـي رَضِیَ الله عَنْهُ د الله پاك سره ډير مَحَبَّت كوونكے دے، او دا خبره د هغوئي د عبادت، تِلاوت او د لمُونځ د ذوق و شوق نه معلومه شوه * څوك چې الله پاك سره مَحَبَّت کوي هغه به په كثرت سره عبادت كوي، * څوك چې الله پاك سره مَحَبَّت کوي هغه به د فرض لمُونځ سره سره نوافِل هم ډير ادا كوي، * څوك چې الله پاك سره مَحَبَّت کوي هغه به روژے ډيرې نيسي،  * څوك چې الله پاك سره مَحَبَّت کوي هغه به د تلاوتِ قرآن ډير شوقين وي ځکه چې قرآنِ پاك د الله پاك كلام دے، هغه به څنګه عاشق وي چې د محبوب د كلام سره ئې مينه نه وي....! حضرت عَبدُ الله بِن مسعود رَضِیَ الله عَنْهُ فرمائي: څوك چې دا معلومول غواړي چې د ده په زړه كښې د الله پاك او د هغه د رَسُول صَلَّى اللهُ عَلَيْهِ وَاٰلِهٖ وَسَلَّممَحَبَّت شته او که نه، هغه دِ دا اوګوري چې دے د قرآنِ كريم سره مَحَبَّت كوي او که نه، كه د ده په زړه كښې د قرآنِ كريم مَحَبَّت وي نو پوهه شه چې دا د الله پاك او د هغه د رسول صَلَّى اللهُ عَلَيْهِ وَاٰلِهٖ وَسَلَّم سره مَحَبَّت كوي. ^([1])

د رضائے اِلٰهي طلب او مالي قُرباني

    په دريمه سيپاره، سورۀ بقره، آيت نمبر 262 كښې ارشاد دے:

اَلَّذِیْنَ یُنْفِقُوْنَ اَمْوَالَهُمْ فِیْ سَبِیْلِ اللّٰهِ ثُمَّ لَا یُتْبِعُوْنَ مَاۤ اَنْفَقُوْا مَنًّا وَّ لَاۤ اَذًىۙ-لَّهُمْ اَجْرُهُمْ عِنْدَ رَبِّهِمْۚ-وَ لَا خَوْفٌ عَلَیْهِمْ وَ لَا هُمْ یَحْزَنُوْنَ(۲۶۲)    (پارہ3،سورۃالبقرۃ:262)                                                              

مفهوم ترجمہ کنزُ العِرفان: هغه خلق چې خپل مالونه د الله په لاره كښې خرچ كوي، بيا د خرچ كولو نه پس نه احسان زباتي او نه تكليف وركوي د هغوئي اِنعام د هغوئي د ربّ سره دے، او په هغوئي به نه څه ويره وي او نه به هغوئي غمژن کيږي.