د حضرت عُثمانِ غنـي رَضِیَ الله عَنْهُ مُختصر تَعَارُف

    * حضرت عُثمانِ غنـي رَضِیَ الله عَنْهُ د خوږ نبـي صَلَّى اللهُ عَلَيْهِ وَاٰلِهٖ وَسَلَّم صحابي دے * د خوږ آقا صَلَّى اللهُ عَلَيْهِ وَاٰلِهٖ وَسَلَّم د ترور [يعنې د پلار د خور] حضرت اُمِّ حَكِيم نمسے رَضِیَ الله عَنْها [يعنې د لور ځوئ] دے يا په لرې خپلوئ كښې د خوږ نبـي صَلَّى اللهُ عَلَيْهِ وَاٰلِهٖ وَسَلَّم خورئيے کيږي * د سابِقِينِ اَوَّلِين نه دے يعنې په شروع كښې ئې اسلام قبول كړے وو، د اسلام په قبلولو كښې حضرت عُثمانِ غنـي رَضِیَ الله عَنْهُ په څلورم يا پينځم نمبر دے،  *د عشره مُبَشَّره نه دے (يعنې د هغه لسو صحابَۀ كرامو عَلَيْهِمُ الرِّضْوان نه دے چا ته چې خوږ نبـي صَلَّى اللهُ عَلَيْهِ وَاٰلِهٖ وَسَلَّم په خپله ژبه مُبارَكه د جَنَّت زِيرے وركړے دے) * خوږ نبـي صَلَّى اللهُ عَلَيْهِ وَاٰلِهٖ وَسَلَّم د حضرت عُثمانِ غنـي رَضِیَ الله عَنْهُ سره دومره زيات مَحَبَّت كولو چې خپلې دوه شهزادګـئ ئې پرله پسے د هغوئي رَضِیَ الله عَنْهُ په نكاح كښې وركړې.^([1]) په دې وجه حضرت عُثمانِ غنـي رَضِیَ الله عَنْهُ ته ذُو النُّورَين وائي،  *په حديثِ پاك كښې دي: [نبـي كريم صَلَّى اللهُ عَلَيْهِ وَاٰلِهٖ وَسَلَّم فرمائي] الله پاك ما ته وحي اوفرمائيله چې زه د خپلو دوو لونړو نكاح د حضرت عُثمانِ غنـي رَضِیَ الله عَنْهُ سره اوكړم. ^([2]) * په يو بل حَديثِ پاك كښې دي: كه زما 100 لونړه وے، په هغې كښې يوه وفات كيدے نو ما به دويمه د حضرت عُثمانِ غنـي رَضِیَ الله عَنْهُ په نكاح كښې وركولے، که هغه وفات كيدے نو ما به دريمه د عُثمان په نكاح كښې وركولے تر دې پورې چې ما به خپلې 100 واړه شهزادګئ پرله پسے د عُثمان په نكاح کښې وركړي وے.^([3])  *د مولائے كائنات حضرت عَلِـي رَضِیَ الله عَنْهُ نه د حضرت عُثمانِ غنـي رَضِیَ الله عَنْهُ مُتَعَلِّق تپوس اوشو نو هغوئي اُوفرمائيل: عُثمان