شو: حُضُور! ستاسو نائب څوك دے؟ اوئې فرمائيل: زما د سُنَّتو سره محبت كوونکي او نورو ته زده کوونکي۔^[1]

د مظلُوم مدد کول سُنَّتِ مُصطَفىٰ دي

      فرمَانِ مُصطَفٰے صَلَّى اللهُ  عَلَيْهِ وَاٰلِهٖ وَسَلَّم: څوک چې د يو مظلوم مدد اوکړي، الله پاک به د هغه د پاره 73 مغفرتونه اوليکي، د هغو نه به د يو په ذريعه د هغه ټول کارونه سَم شي او د 72 په ذريعه به د قيامت په ورځ د هغه درجے اوچتې شي۔^[2]

      اے عاشقانِ رَسُول! د مظلوم مدد کول سُنَّتِ مُصطَفىٰ دي * زمونږه آقا مكِّـى مَدَنـى مُصطَفىٰ صَلَّى اللهُ  عَلَيْهِ وَاٰلِهٖ وَسَلَّم به د مظلومانو مدد کولو او په ظالـمانو به ئې د هغوئي حق ادا کولو * چا به چې هُم فرياد راوړلو د هغه مدد به ئې کولو، يو ځل يو يتيم حاضر شو او شکايت ئې اوکړو چې اَبُوجَهل د هغه مال قبضه کړے دے، اګر چې ابوجهل سخت دُشمنِ مُصطَفىٰ وو خو د مظلومانو سردار، د بے وسو مددګار آقا صَلَّى اللهُ  عَلَيْهِ وَاٰلِهٖ وَسَلَّم د ابوجهل نه هغه مال واخستو او هغه يتيم ته ئې حواله کړو^[3] * يو ځل يو اُوښ په بارګاهِ رِسالت کښې ژړا فرياد اوکړو نو خوږ نبي صَلَّى اللهُ  عَلَيْهِ وَاٰلِهٖ وَسَلَّم د اُوښ مالِک را اُوبلو او هغه ته ئې اوښ ته د پوره خوراک ورکولو او د بوج کم بار کولو تلقين اوکړو ۔^[4]