دے کیونکہ ہم نے اپنے محبوب(صَلَّی اللّٰہُ عَلَیْہِ واٰلِہٖ وَسَلَّمَ)کو پاک و صاف پیدا کیا ہے۔٭ حُضورِ اقدس صَلَّی اللّٰہُ عَلَیْہِ واٰلِہٖ وَسَلَّمَ ختنہ کیے ہوئےپیدا  ہوئے ہیں۔(شواہد النبوۃ ،رکن الثانی ، ص ۳۳ملخصًا)

تمام عالَم کو روشن کرنے والا چراغ

حضرت عَبْدُاللہ بن عباس رَضِیَ اللّٰہُ عَنْہُمَا فرماتے ہیں:جس رات حضورِ انور صَلَّی اللّٰہُ عَلَیْہِ واٰلِہٖ وَسَلَّمَ کا نورِ نُبُوَّت حضرت سیدتنا آمنہ رَضِیَ اللّٰہُ عَنْہَا کے مبارک پیٹ میں منتقل ہوا تو زمین کے تمام چار پاؤں والے جانوروں،خصوصاً قریش کے جانوروں کو اللہ  کریم نے بولنے کی قوت عطا فرمائی اور انہوں نے یہ اعلان کیا:آج اللہ کریم کاوہ مُقَدَّسْ رسول ماں کے پیٹ میں منتقل ہوگیا ہے جس کے سر پر تمام دنیا کی امامت  کا تاج ہے،جو سارے عالَم کو روشن کرنے والا چراغ ہے۔مشرِق کے جانوروں نے مغرب کے جانوروں کو خوش خبری دی،اسی طرح سمُندروں اور دریاؤں کے جانوروں نے ایک دوسرے کو یہ خوشخبری سُنائی کہ سرکارِ مدینہ صَلَّی اللّٰہُ عَلَیْہِ واٰلِہٖ وَسَلَّمَ کی ولادت ِبا سعادت کا وقت قریب آ گیا۔(مواہب لدنیۃ،المقصدالاول، آیات حملہ،۱/۶۲ )

سرکار کی آمد …مرحبا     سردار کی آمد …مرحبا       آمنہ کے پھول کی آمد  …مرحبا

رسولِ مقبول کی آمد …مرحبا                    پیارے کی آمد …مرحبا               اچھے کی آمد … مرحبا

سچے کی آمد …مرحبا                     سوہنے کی آمد …مرحبا                   موہنے کی آمد  …مرحبا

مُختار کی آمد …مرحبا                  پُرنور کی آمد …مرحبا                 سراپا نور کی آمد …مرحبا

مرحبا یا مصطفی                مرحبا یا مصطفی              مرحبا یا مصطفی              مرحبا یا مصطفی

صَلُّو ْا عَلَی الْحَبِیْب!                                           صَلَّی اللہُ  عَلٰی مُحَمَّد