سچے کی آمد …مرحبا                     سوہنے کی آمد …مرحبا                   موہنے کی آمد  …مرحبا

مُختار کی آمد …مرحبا                  پُرنور کی آمد …مرحبا                 سراپا نور کی آمد …مرحبا

مرحبا یا مُصْطَفٰے                مرحبا یا مُصْطَفٰے              مرحبا یا مُصْطَفٰے              مرحبا یا مُصْطَفٰے

صَلُّو ْا عَلَی الْحَبِیْب!                                           صَلَّی اللہُ عَلٰی مُحَمَّد

پیارے پیارےاسلامی بھائیو!نبیِّ رحمت صَلَّی اللّٰہُ عَلَیْہِ واٰلِہٖ وَسَلَّمَ اس کائنات میں بشر بن کر تشریف لائے۔ مگر آپ صَلَّی اللّٰہُ عَلَیْہِ واٰلِہٖ وَسَلَّمَ کی حقیقت نور ہے۔حکیمُ الاُمّت حضرت مفتی احمد یار خان رَحْمَۃُ اللّٰہ عَلَیْہ فرماتے ہیں:حضورِ پاک صَلَّی اللّٰہُ عَلَیْہِ واٰلِہٖ وَسَلَّمَ بشر بھی ہیں اور نور بھی یعنی نورانی بشر ہیں۔ظاہری جسم شریف بشر ہے اور حقیقت نور ہے۔ (رسالَۂ نُور مع رسائل نعیمیہ، ص۳۹)آپ صَلَّی اللّٰہُ عَلَیْہِ واٰلِہٖ وَسَلَّمَکی بَشَرِیَّت کا انکار ہرگز ہرگز نہیں کیا سکتا۔سرکارِ اعلیٰ حضرت،امام اَحمد رَضا خان رَحْمَۃُ اللّٰہ عَلَیْہ  فرماتے ہیں: تاجدارِ رسالت صَلَّی اللّٰہُ عَلَیْہِ واٰلِہٖ وَسَلَّمَکی بَشَرِیَّت کا مُطَلْقاً(بالکل )انکار کفر ہے۔(فتاویٰ رضویہ،۱۴ /۳۵۸)

آپ صَلَّی اللّٰہُ عَلَیْہِ واٰلِہٖ وَسَلَّمَ کی نورانیت  سے متعلق آیاتِ کریمہ

یادرہے!قرآنِ پاک میں بھی آپ صَلَّی اللّٰہُ عَلَیْہِ واٰلِہٖ وَسَلَّمَ کو نورفرمایا گیا ہے۔چنانچہ اللہکریم پارہ 6سورۃ المآئدۃ کی آیت نمبر 15 میں ارشاد فرماتا ہے:

قَدْ جَآءَكُمْ مِّنَ اللّٰهِ نُوْرٌ وَّ كِتٰبٌ مُّبِیْنٌۙ(۱۵) (پ ۶، المآئدہ: ۱۵)                                                                       

تَرْجَمَۂ کنزُالعِرفان:بیشک تمہارے پاس اللہ کی طرف سے ایک نور آگیا اور ایک روشن کتاب۔

تفسیر”خزائن العرفان“میں ہے:(اس آیت میں )سیدِ عالَم صَلَّی اللّٰہُ عَلَیْہِ واٰلِہٖ وَسَلَّمَ کو نور فرمایا گیا