اکرامات کے باوُجُودہم اپنےرَبّ کی نافرمانیوں میں مشغول ہیں اور توبہ  میں مختلف بہانے  بنا کر ٹال مٹول کررہے ہیں۔ حالانکہ روزانہ نجانےکتنوں کی موت کےواقعات سنتے ہیں ، مثلاً فُلاں  کینسرکا مریض تھا ، انتقال کرگیا ، فُلاں  کو دل کا دورہ (ہارٹ اٹیک ) ہوااچانک  فوت ہوگیا ، فلاں رات کو  خُوش خُوش سویا تھا لیکن صبح آنکھ نہیں  کھلی ، فلاں  کل ہی  ٹیسٹ کرواکر آیا تھا مگر آج زندگی سے ہاتھ  دھو بیٹھا۔

                             پیارے پیارےاسلامی بھائیو!خوابِ غفلت سے بیدار ہوجائیے *اس سے پہلےکہ ہمارا بھی اعلان ہورہاہو ، * لوگ ہمیں کندھوں پر اٹھاکر اندھیری قبر میں دفن کرنے کے لئےچلیں ، *مرحوم کہہ کر یاد کیا جا رہا ہو ، *اس سے پہلے کہ ہماری نمازِجنازہ کاانتظارکیاجا رہا ہو ، * ہم بھی نَزع کی دردناک کیفیت میں مبتلا ہوں ، * رُوح نکلنےکی تکلیف سے ہماراجسم بھی مفلو ج ہوجائے ، *موت کےفرشتے گھیرلیں ، * حسرت و ندامت ہمیں گھیرلے ، * توبہ کا دروازہ بند ہو جائے ہمیں ربّ کریم کوراضی کرلیجئے ، اس کی بارگاہ میں آنسو بہائیے ، رو رو کر اپنے گناہوں کی  معافی مانگئے اور اس کی بارگاہ میں سچی توبہ کر لیجئے ، کیونکہ وہ توبہ کرنےوالوں کےسارےگناہ معاف فرما دیتا ہے ، جہنّم کی آگ سے آزاد فرمادیتا اورتوبہ کرنےوالوں  سےبہت محبّت فرماتاہے ، چنانچہ

پارہ2سورۂ بقرۃ آیت نمبر222میں ارشاد ہوتاہے :

اِنَّ اللّٰهَ یُحِبُّ التَّوَّابِیْنَ  (پ۲ ، البقرہ : ۲۲۲)                 

ترجمۂ کنز العرفان : بیشک اللہ بہت توبہ کرنے والوں سے محبت فرماتا ہے