فرمایا : نَحْر (یعنی 10 ذو الحجہ) کے دِن اللہ پاک کے ہاں سب سے پسندیدہ عمل خون بہانا (یعنی جانور ذبح کرنا) ہے ، بےشک قربانی کے جانور روزِ قیامت اپنے سینگوں ، بالوں اور کُھروں کے ساتھ آئیں گے اور بے شک قربانی کا خون زمین پر گِرنے سے پہلے ہی اللہ پاک کے ہاں مقامِ قبول تک پہنچ جاتا ہے ، لہٰذا خوش دِلی سے قربانی کرو! ^([1])*حضرت زَیْد بِنْ اَرْقم رَضِیَ اللّٰہُ عَنْہُ سے روایت ہے ، سرکارِ مدینہ ، راحتِ قلب و سینہ صَلَّی اللہُ عَلَیْہِ وَاٰلِہٖ وَسَلَّم  نے فرمایا : تمہارے لئے قربانی کے جانور کے ہر بال کے عِوَض ایک نیکی ہے۔ ^([2])*امام حَسَن مجتبیٰ رَضِیَ اللّٰہُ عَنْہُ روایت کرتے ہیں ، مکے مدینے کے سلطان ، شاہِ کون و مکان صَلَّی اللہُ عَلَیْہِ وَاٰلِہٖ وَسَلَّم  نے فرمایا : جو خوش دِلی سے ، ثواب کے لئے قربانی کرے ، اس کی قُربانی اس کے اور جہنّم کے درمیان آڑ بن جائے گی۔ ^([3])* “ سُنَنِ کبریٰ “ کی روایت ہے ، مالکِ جنّت ، قاسِمِ نِعْمَت صَلَّی اللہُ عَلَیْہِ وَاٰلِہٖ وَسَلَّم  نے فرمایا : بے شک اللہ پاک کی بارگاہ میں سب سے زیادہ پسندیدہ قُربانی وہ ہے جو قیمت میں اعلیٰ اور خوب فربہ (یعنی موٹی تازی) ہو۔ ^([4])*ایک روایت میں فرمایا : بوڑھے جانور کی بجائے جوان جانور کی قربانی بارگاہِ الٰہی میں زیادہ پسندیدہ ہے۔ ^([5])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد