حضرت ابراہیم خلیل اللہ عَلَیْہِ السَّلَام کو حضرت اسماعیل عَلَیْہِ السَّلَام کی قربانی پیش کرنے کا حکم دیا گیا تھا تو حضرت سَیّدُنا ابراہیم خلیل اللہ عَلَیْہِ السَّلَام اللہ پاک کے حکم پر عمل کرتے ہوئے اپنے بیٹے حضرت اسماعیل عَلَیْہِ السَّلَام کی قربانی پیش کرنے کے لئے تیار ہو گئے تھے تو حضرت عبد المطلب رَضِیَ اللّٰہُ عَنْہُ نے بھی اپنے دادا حضرت ابراہیم خلیل اللہ عَلَیْہِ السَّلَام کی پیروی میں منَّت مانی کہ اگر اللہ پاک مجھے 10 بیٹے عطا فرمائے تو میں شکرانے کے طور پر اُن میں سے ایک بیٹے کو رِضائے اِلٰہی کے لئے قُربان کروں گا۔ اِمَام جَلالُ الدین سیوطیرَحْمَۃُ اللہِ عَلَیْہ فرماتے ہیں : حضرت عبد المطلب رَضِیَ اللہُ عَنْہُ کی پیشانی مُبَارَک میں نورِ مصطفےٰ عَلٰی صَاحِبِہِ الصَّلٰوۃُ وَالسَّلَام روشن تھا ، اسی نور مُبَارَک کی برکت سے آپ کو اِلہام ہوا تھا  (یعنی اللہ پاک کی جانِب سے آپ کے دِل میں یہ بات ڈال دی گئی تھی ، جس پر عمل کرتے ہوئے) آپ نے بیٹا قربان کرنے کی مَنَّت مانی۔ ^([1])  

بہر حال! پیارے آقا صَلَّی اللہُ عَلَیْہِ وَاٰلِہٖ وَسَلَّم  کے داداجانحضرت عبد المطلب رَضِیَ اللّٰہُ عَنْہُ کی تمنّا پُوری ہوئی ، اللہ پاک نے آپ کو 10 بیٹے عطا فرمائے۔ ایک روزحضرت عبد المطلب  رَضِیَ اللّٰہُ عَنْہُ کعبہ شریف کے قریب آرام فرما تھے ، خواب دیکھا ، کوئی کہنے والا کہہ رہا تھا : اے عبد المطلب! اپنی منَّت پوری کیجئے...!!

حضرت عبد المطلب رَضِیَ اللہُ عَنْہُ بیدار ہوئے ، تمام بیٹوں کو جمع کیا ، انہیں اپنی منَّت کے متعلق بتایا ، سب بیٹوں نے اَدَب سے عرض کیا : اَبّا جان! اپنی منَّت پوری کیجئے ، ہم میں سے جسے چاہیں آپ قربان کر سکتے ہیں۔