کرنے والے ہیں۔

سُبْحٰنَ اللہ! اللہ پاک کے پیارے نبی ، حضرت ابراہیم عَلَیْہِ السَّلَام کے  کیسے پیارے پیارے اَوْصَاف ہیں ، اللہ پاک حضرت ابراہیم عَلَیْہِ السَّلَام کے صدقے  ہمیں بھی اپنی کامِل محبت نصیب فرمائے ، کاش! حِلْم کی دَولت مِل جائے ، کاش! ہم اللہ پاک کے خوف سے ، اس کی محبت میں آہ و زاری کرنے والے بَن جائیں ، کاش! دُنیا کی محبت دِل سے نکل جائے اور ہم صِرْف اللہ پاک اور اس کے پیارے حبیب ، دلوں کے طبیب صَلَّی اللہُ عَلَیْہِ وَاٰلِہٖ وَسَلَّم  کی طرف رُجُوع کرنے والے بَن جائیں۔

محبت میں اپنی گما یا اِلٰہی                       نہ پاؤں میں اپنا پتا یااِلٰہی

رہوں مست و بے خود میں تیری ولا میں        پلا جام ایسا پِلا یااِلٰہی

مرے دل سے دنیا کی چاہت مٹا کر             کر اُلفت میں اپنی فنا یااِلٰہی

مرے اشک بہتے رہیں کاش ہر دم             ترے خوف سے یا خدا یااِلٰہی^([1])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

  (4) : حضرت ابراہیم عَلَیْہِ السَّلَام بہت اطاعت گزار ہیں

پیارے اسلامی بھائیو!  حضرت ابراہیم عَلَیْہِ السَّلَام کا ایک بہت ہی پیارا وَصْف بیان کرتے ہوئے اللہ پاک قرآنِ کریم میں ارشاد فرماتا ہے :

اِذْ قَالَ لَهٗ رَبُّهٗۤ اَسْلِمْۙ-قَالَ اَسْلَمْتُ لِرَبِّ الْعٰلَمِیْنَ(۱۳۱)  (پارہ1 ، سورۃالبقرۃ : 131)                 

ترجمہ کنزُ العِرفان : یاد کرو جب اس کے رب نے اُسےفرمایا : فرمانبرداری کر ، تو اس نے عرض کی : میں نے فرمانبرداری کی اس کی جو تمام جہانوں کا پالنے والا ہے۔