حضرت بلال رَضِىَ اللهُ عَـنْهُ  اُوفرمائيل: ما رښتيا اووئيل او د هُم دې رښتيا وينا په وجه ستا خپلوي اوشوه. ^([1])

      سُبْحٰنَ الله! معلومه شوه چې رښتيا وئيلو سره کارونه ورانيږي نه بلکه سميږي او دروغو وئيلو سره کارونه سميږي نه بلکه ورانيږي. الله پاک دِ مونږ ته هميشه د رښتيا وئيلو توفيق راکړي. اٰمِين بِجَاهِ النَّبِىِّ الْاَمِين  صَلَّى اللهُ  عَلَيْهِ وَاٰلِهٖ وَسَلَّم

(7) په ورځ د قيامت د بِلال رَضِىَ اللهُ عَـنْهُ  شان

      يوه ورځ زمونږه خوږ آقا، مكِّـى مَدَنـى مُصطَفىٰ صَلَّى اللهُ  عَلَيْهِ وَاٰلِهٖ وَسَلَّم د انبيائے کرامو عَـلَـيْهِمُ السَّلَام ذِکر فرمائيلو، چې په ورځ د قيامت به د انبيائے کرامو عَـلَـيْهِمُ السَّلَام شان څه وي، دا موضوع وه، په دې سلسله کښې په غيبو خبردار نبي، مكِّـى مَدَنـى مُصطَفىٰ صَلَّى اللهُ  عَلَيْهِ وَاٰلِهٖ وَسَلَّم اُوفرمائيل: حضرت صالِح عَـلَيْـهِ الـسَّـلَام به په ورځ د قيامت په خپل اُوښه باندې سور وي، زه به په بُراق باندې سور راشم، بيا خوږ نبي صَلَّى اللهُ  عَلَيْهِ وَاٰلِهٖ وَسَلَّم حضرت بِلال رَضِىَ اللهُ عَـنْهُ  ته اوکتل او اُوئې فرمائيل: د بلال به دا شان وي چې په جَنَّتي اُوښه به سور وي او په اذان کولو کولو کښې به محشر ته راروان وي، د بِلال د اذان آواز به ټول اوري، هغه وخت به انبائے کرام عَـلَـيْهِمُ السَّلَام هُم بلال ته ګوري، چې کله بلال اذان پوره کړي نو هغه ته به جَنَّتي لِباس ور واغوستلے شي او د انيبائے کرامو عَـلَـيْهِمُ السَّلَام او شُهَداء نه پس به بلال وړومبے کس وي چې جَنَّتي لباس به ور ورکړے شي. ^([2])

      خوږو او مُحترمو اسلامي ورونړو! تاسو واريدل چې د حضرت بِلالِ حبشي رَضِىَ اللهُ عَـنْهُ  څومره اوچت شان دے او دا دے د حضرت بلال رَضِىَ اللهُ عَـنْهُ  په دِين باندې د استقامت انعام.