مشائخِ اهلسُنَّت په تحريكِ پاكستان كښې پوره پوره حصَّه اخستي وه، د بَرِّصَغير په ګوَټ ګوَټ كښې تقريرونه شروع شو، نظمونه وئيل شروع شو، د مسلمانانو په زړونو كښې د پاكستان محبت واچولے شو، د علمائے اهلِسُنَّت په كتابونو كښې تر دې پورې ليك دي چې په 1946ء كښې چې تحريك پاكستان په آخري  مرحلو كښې وو، د هغه وخت علمائے كرام کور په کور د دې دعوتونه وركړي وو او په مسلمانانو كښې ئې د تحريك پاكستان، اسلامي جمهوريه پاكستان محبت رابيدار كړے وو. ^([1])خلیفۀ اعلیٰ حضرت مولانا عبد العلیم میرټھی رَحْمَةُ اللهِ عَلَيْه د قائِدِ اعظم محمد علی جناح باقاعِدہ ملګرے وو، قائِدِ اعظم هغوئي بهر ملكونو ته د سَفِیر په طور ليږلے وو، عبد العلیم میرټھی رَحْمَةُ اللهِ عَلَيْه نورو ملکونو ته لاړو او د نظريۀ پاکستان او تحریكِ پاکستان اُصُول و مقاصِد ئې بیان كړل، هغه وخت قائِدِ اعظم عبد العلیم میرټھی رَحْمَةُ اللهِ عَلَيْه ته د سفيرِ اسلام خطاب وركړو. ^([2]) نقل شوي دي چې د پاكستان جوړيدو نه مخكښې چې كوم حج شوے وو، په هغه حج كښې د هندوستان نه تلي مسلمانان په مدينۀ منوره كښې د اَمِیرِ اهلسنّت، حضرتِ علّامه مَولانا محمد الیاس عطّار قادِری صاحب دَامَتْ بَرَکاتُہُمُ الْعَالِیَه د پير صاحب،  قُطبِ مدينه، مولانا ضِيَاءُ الدِّين مَدَني رَحْمَةُ اللهِ عَلَيْه په خدمت كښې حاضر شو او د دُعا د پاره ئې ورته عرض اوكړو، هغوئي رَحْمَةُ اللهِ عَلَيْه د دُعا درخواست كوونكو سره د خوږ آقا صَلَّى اللهُ عَلَيْهِ وَاٰلِهٖ وَسَلَّم روضے مباركې ته حاضر شو، ښه د زړه په صدق ئې دُعا اوكړه او اوئې فرمائيل: پريشانه كيږئ مه، اِنْ شآءَ الله پاكستان به ضرور جوړيږي. يو دُښمن طاقت د پاكستان د جوړيدو نه نه شي منع كولے. ^([3])