Book Name:Azadi Kisay Kehtay Hain
حضرت موسٰى عَلَيْهِ السَّلام په خپله دعوٰى باندې دلائل وړاندې كړل، معجزات ئې اوښودل، فرعون او د فرعون قوم ئې پوهه كړو خو فرعون ضِدِّي وو، ضِدِّي پاتې شو، سركشه وو، سركشه پاتې شو، فرعون د طاقت، سلطنت او د تاج و تخت په نشه كښې وو، بدبخته وو د حضرت موسٰى عَلَيْهِ السَّلام نافرماني اوكړه، د حضرت موسٰى عَلَيْهِ السَّلام په شان كښې ئې ګستاخئ اوكړې، حضرت موسٰى عَلَيْهِ السَّلام، او بنـي اسرائيلو ته ئې د تكليفونو ورکولو كوشش اوكړو، مَعاذَ الله! د حضرت موسٰى عَلَيْهِ السَّلام د شهيد كولو منصوبے ئې جوړې كړې . چې كله فرعون په خپل كفر قائم پاتې شو، ټول حدونه ئې مات كړل او د بنـي اسرائيلو آزادولو ته تيار نه شو نو الله پاك فرعون سره د هغه د لښكره غرق كړو او دا د هميشه هميشه د پاره د دوزخ خشاك اوګرځيدل. ([1]) دغسې د حضرت موسٰى عَلَيْهِ السَّلام په بركت بنـي اسرائيلو ته د آزادئ نِعمَت نصيب شو.
خوږو او محترمو اسلامي ورونړو! د كفر د غلامئ نه، د كافرانو، ظالمَانو د غلامئ نه آزادي نصيب كيدل د الله پاك ډير لوئے نِعمَت دے. الله پاك په سُوْرَةُ البَقَرَه كښې د بنـي اسرائيلو ذِكر كړے دے، په دې كښې بنـي اسرائيلو ته د اسلام دعوت وركړے شوے دے، الله پاك چې بنـي اسرائيلو ته كوم نِعمتونه وركړي وو، هغه شمار كړے شوي دي، په هغې كښې اوَّل نِعمَت كوم چې الله پاك بيان كړے دے هغه آزادي ده. ارشاد فرمائي: