دي، د الله پاك رښتينے بنده هغه دے چې په هر حال كښې يو شان اوسي، او په غريبئ اومالدارئ او منصب هر حال کښې د الله پاك شكرګزاره اوسي.

     د بنـي اسرائيلو هم ازميښت اوكړے شو، د فرعون هم امتحان واخستے شو، حضرت يوسف عَلَيْهِ السَّلام كوم چې د مصر حكمران وو، كوم چې د مصر باقاعده مالِك وو، د قحط په ورځو كښې ئې باقاعده مصر اخستے وو، د مصر ټول خلق ئې اخستي وو، او خپل غلامان ئې جوړ كړي وو، بيا ئې ازاد كړل، بيا داسې وخت راغے چې د هُم هغه حضرت يوسُف عَلَيْهِ السَّلام اولاد او د هغوئي عَلَيْهِ السَّلام د ورونړو اولاد په مصر كښې غلامان جوړ كړے شُو، فرعون ته د مصر بادشاهي وركړے شوه، دا يو امتحان وو، په دې امتحان كښې بنـي اسرائيلو صبر اوكړو خو فرعون سركشي اوكړه، دغه بدبخته د خدائي دعوٰى اوكړه، بنده وو، بنده جوړ نه شو، د خدائے جوړيدو كوشش ئې اوكړو، د هغه تكبر دُنيا ته ښكاره شو، د غرور او سرکشئ خبرې ئې شروع كړې، بيا الله پاك حضرت موسٰى عَلَيْهِ السَّلام نبـي جوړ کړے را اوليږو.  

     حضرت موسٰى عَلَيْهِ السَّلام فرعون ته د حق دعوت وركړو، بنيادي طور د دې دعوت دوه موضوع ګانې  وے: * فرعون چې د خدائي كومه دعوٰى كړي وه د هغې نه دِ توبه اوكړي، بنده دے، بنده دِ جوړ شي، د يو الله پاك تابعداري دِ اختيار كړي. * فرعون په ناحقه بنـي اسرائيل خپل غلامان جوړ كړي وو، هغوئي دِ د غلامئ نه ازاد كړې.

    په قرآنِ كريم كښې دي، كله چې حضرت موسٰى عَلَيْهِ السَّلام فرعون ته اوفرمائيل: 

قَدْ جِئْتُكُمْ بِبَیِّنَةٍ مِّنْ رَّبِّكُمْ فَاَرْسِلْ مَعِیَ بَنِیْۤ اِسْرَآءِیْلَؕ(۱۰۵)  (پارہ9،سورۃالاعراف :105)                

مفهوم ترجمہ کنزُ العِرفان: بيشكه ما تاسو ټولو ته ستاسو د ربّ له طرفه نښه راوړي ده نو بنـي اسرائيل زما سره پريږ ده.