سُبْحَانی،شیخ عبدُ القادرجِیلانی  رَحْمَۃُ اللہِ عَلَیْہ کے  والدِ ماجد حضرت سَیِّد ابُو صالح مُوسیٰ جنگی دوست رَحْمَۃُ اللّٰہِ عَلَیْہ نے حُضُورغوثِ اَعْظم  رَحْمَۃُ اللہِ عَلَیْہ کی وِلادَت کی رات دیکھا کہ سَروَرِ کائنات، فَخْرِ مَوْجُودات صَلَّی اللّٰہُ عَلَیْہِ واٰلِہٖ وَسَلَّمَ صحابۂ کرام اور اَولیائےعِظام رِضْوَانُ اللّٰہِ عَلَیْہِمْ اَجْمَعِیْن کے ساتھ اُن کے گھر جَلْوہ اَفْروز ہوئے اور اُنہیں اِس بِشارت سے نوازا:اے ابُوصالح!اللہ پاک نے تم کو ایسا بیٹاعطا فرمایا ہے،جو وَلی ہے،وہ میرا اور اللہ پاک  کا مَحْبُوب ہے اور اُس کی شان ،اَوْلیاء اور اَقْطاب(رَحْمَۃُ اللّٰہ ِ عَلَیْہم اجمعین)میں ویسی  ہی ہوگی،جیسی شان اَنْبیاء و مُرسَلین عَلَیْہِمُ السَّلَام میں میری ہے۔^([1])

فانوسِ ہدایت          غوثِ پاک                 سرتاپا شرافت           غوثِ پاک

سرتاجِ شریعت      غوثِ پاک                 ہیں مخزنِ عظمت         غوثِ پاک

*مرحبا یا غوثِ پاک*مرحبا یا غوثِ پاک*مرحبا یا غوثِ پاک

اَنبیائے کرام  عَلَیْہِمُ السَّلَام  کی بِشارتیں

آپ  رَحْمَۃُ اللہِ عَلَیْہ  کے والدِ ماجد کو نبیِ کریم،رؤف و رحیمصَلَّی اللّٰہُ عَلَیْہِ واٰلِہٖ وَسَلَّمَ کے عِلاوہ دیگر اَنْبیائے کرام عَلَیْہِمُ السَّلَام نے بھی یہ خوشخبری دی کہ اللہ پاک کے تمام ولی تمہارے صاحبزادے کے فرمانبردار ہوں گے اور اُن کی گردنوں پراُن کا قَدَمِ مُبارَک  ہوگا۔^([2])

 پیارے اسلامی بھائیو!آپ نےسنا کہ ہمارے غوثِ پاک،شہنشاہِ بغداد  رَحْمَۃُ اللہِ عَلَیْہ کی شان و عظمت کس قَدَر بُلند و بالا ہے کہ  آپ  رَحْمَۃُ اللہِ عَلَیْہ کے پیدا ہوتے ہی غَیْب بتانے والے آقا،  مکی مدنی مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ نے آپ  رَحْمَۃُ اللہِ عَلَیْہ  کے بُلند مَرتبے اور شان و عظمت کی خوشخبری  دے دی تھی اورحُضُور غوثِ پاک  رَحْمَۃُ اللہِ عَلَیْہ کے والدِ مُحتَرم رَحْمَۃُ اللّٰہ ِ عَلَیْہکو یہ  بھی بتا دیا تھا کہ تمہارا بیٹاتمام