اللّٰہُ عَلَیْہِ واٰلِہٖ وَسَلَّمَہیں۔ (تفسیرکبیر،۸/۳۴)

       پارہ 30سُوْرَۃُ الفَجْر کی آیت نمبر 1اور2 میں ارشاد  ہوتا ہے:

وَ الْفَجْرِۙ(۱) وَ لَیَالٍ عَشْرٍۙ(۲)                 ترجَمَۂ کنزُالعِرفان:صبح کی قسم۔ اور دس راتوں  کی۔

اس آیت  ِ مبارکہ کی تفسیر میں لکھا ہے:وَ الْفَجْرِ سے مراد نبیِّ کریم صَلَّی اللّٰہُ عَلَیْہِ واٰلِہٖ وَسَلَّمَ ہیں،اس لئے کہ ایمان کا اُجالا دنیا بھر میں آپ صَلَّی اللّٰہُ عَلَیْہِ واٰلِہٖ وَسَلَّمَ سےظاہر ہوا۔ (شفاءشریف،۱/۳۴ )

       اسی طرح پارہ 30سورۃُ الطارِقکی آیت نمبر 1تا3میں ارشاد  ہوتا ہے:

وَ السَّمَآءِ وَ الطَّارِقِۙ(۱) وَ مَاۤ اَدْرٰىكَ مَا الطَّارِقُۙ(۲) النَّجْمُ الثَّاقِبُۙ(۳) (پ۳۰،الطارق:۱،۲،۳،)           

ترجَمَۂ کنزُالعِرفان:آسمان کی اور رات کو آنے والے کی قسم۔ اورتمہیں  کیا معلوم کہ رات کو آنے والا کیا ہے؟خوب چمکنے والا ستارا ہے۔

اس آیتِ مبارَکہ میں النَّجْمُ الثَّاقِب سے مراد رسولِ انور صَلَّی اللّٰہُ عَلَیْہِ واٰلِہٖ وَسَلَّمَ کی ذات ہے۔

(شفاءشریف،۱/۳۷)

       اسی طرح پارہ 30سورۃُالضُّحٰی کی آیت نمبر 1 اور2 میں ارشاد  ہوتا ہے:

وَ الضُّحٰىۙ(۱) وَ الَّیْلِ اِذَا سَجٰىۙ(۲) (پ۳۰، الضُّحٰی:۱،۲)                              

ترجَمَۂ کنزُالعِرفان:چڑھتے دن کے وَقْت کی قسم۔اور رات کی جب وہ ڈھانپ دے۔

مُفَسِّرِینِ کرام رَحْمَۃُ اللّٰہِ عَلَیْہِمْ اَجْمَعِیْن فرماتے ہیں:چاشت سے جمالِ مُصْطَفٰے کے نور کی طرف اشارہ ہے اور رات سے آپ صَلَّی اللّٰہُ عَلَیْہِ واٰلِہٖ وَسَلَّمَ کے گیسوئے مبارَک کی طرف اشارہ ہے۔(روح البیان، الضّحی، تحت الآیۃ: ۲، ۱۰/۴۵۳)