فرماتے تھے۔ ^([1])

مفتی نقی علی خان کے القابات

* سیدی اعلیٰ حضرت رَحمۃُ اللہِ عَلَیْہ فتاویٰ رضویہ شریف میں اپنے والِدِ ماجِد مولانا نقی علی خان رَحمۃُ اللہِ عَلَیْہ کے القاب اور فضائل و اَوْصاف بیان کرتے ہوئے فرماتے ہیں :

اَلْاِمَامُ الْھُمَّامُ (یعنی بلند ہمت امام) وَالْفَاضِلُ الطَّمْطَامُ (یعنی زبردست فاضِل) ، وَالْبَحْرُ الطَّامُ (عِلْم کا ٹھاٹھیں مارتا سمندر) ، وَالْبَدْرُ التَّامُ  (چودہویں کے چاند) ، حَامِیُ السُّنَنِ (سُنَّتوں کے مُحَافِظ) ، مَاحِیُ الْفِتَنِ (فتنے مٹانے والے) ، ذُوْ تَصَانِیْفٍ رَائِقَۃَ (عمدہ کتابیں لکھنے والے) ، بَقِیَّۃُ السَّلَفِ (بزرگوں کی نشانی) ، حُجَّۃُ الْخَلَفِ (اپنے بعد والوں کے لئے دلیل) ، نَاصِحُ الْاُمَّۃِ (اُمَّت کو نصیحت فرمانے والے) ، کَاشِفُ الْغُمَّۃ (مشکلات حل فرمانے والے) ، حَامِیُ حِمَی الرِّسَالَۃِ عَنْ کَیْدِ اَھْلِ الضَّلَالَۃِ (گمراہوں کے مکر وفریب توڑ کر ناموسِ رسالت پر پہرہ دینے والے) ، سَیِّدِیْ وَمَوْلَائِیْ وَمَاْوٰئِ (میرے سردار ، میرے مولا ، میری پناہ گاہ) ، مَوْلَانَا مَوْلَوِی مُحَمَّد نَقِیْ عَلِیْ خاں قادِری برکاتی آلِ رسولی  اللہ  پاک اُن سے راضِی ہو۔ ^([2])

قُدْرَت کا شاہکار ہیں ،  حضرت نقی علی          پَرْوُرْدَۂ سرکار ہیں حضرت نقی علی

مفتی ہیں باکمال تو عاشق  بھی بےمثال          آقا کے جاں نثار ہیں حضرت نقی علی

باطِل پہ قہر ، حق کی ہیں تلوارِ بےنیام           سُنَّت کے پیروکار ہیں ، حضرت نقی علی

والِد رضا کے اور ہیں اِبْنِ رضا علی              سُنِّی کے تاجدار ہیں حضرت نقی علی

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد