دوسروں کو سکھانے والے۔ ^([1])

سنَّت کے مطابق میں ہر اِک کام کروں کاش!      تُو پیکرِ سنَّت مجھے اللہ بنا دے

 “ نرمی “ سُنَّتِ مصطفےٰ ہے

دو فرامین مصطفےٰ صَلَّی اللّٰہ عَلَیْہِ وَ اٰلِہٖ وَ سَلَّم (1) : بے شک اللہ پاک نرمی فرمانے والا ہےاور نرمی کو پسند فرماتا ہے۔ ^([2]) (2) : نرمی جس چیز میں ہوتی ہے اُسے زینت بخشتی ہے۔ ^([3])

اے عاشقانِ رسول! نرمی کرنا ہمارےپیارے آقا ، مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم   کی پیاری پیاری سنّت مبارکہ ہے ، *ہمارے آقا ومولیٰ ، مُحَمَّد مصطفےٰ صَلَّی اللہُ عَلَیْہِ وَاٰلِہٖ وَسَلَّم  نہایت نرم دِل تھے ، اللہ پاک قرآنِ کریم میں ارشاد فرماتا ہے :

فَبِمَا  رَحْمَةٍ  مِّنَ  اللّٰهِ  لِنْتَ  لَهُمْۚ- (پارہ4 ، سورۃآلِ عمران : 159)                                               

ترجمہ کنزُ العِرفان : تَو اے حبیب!اللہ کی کتنی بڑی مہربانی ہے کہ آپ ان کے لئے نرم دل ہیں۔

*آپ صَلَّی اللہُ عَلَیْہِ وَاٰلِہٖ وَسَلَّم  ڈانٹ ڈپٹ نہ فرماتے *اپنی ذات کے لئے غصہ نہ کرتے *بچوں پر شفقت فرماتے *صحابۂ کرام عَلَیْہِمُ الرِّضْوَان کے ساتھ نَرمی کا مُعَامَلہ فرماتے ، حدیثِ پاک میں ہے : ایک بار اَعْرابی (عرب کا ایک دیہاتی ) مَسْجِد نبوی شریف میں حاضِر ہوا (ظاہِر ہے یہ دیہات کا رہنے والا تھا ، مسجد کے آداب کی زیادہ معلومات نہیں رکھتا تھا ، لہٰذا اُس نے) مسجد میں کھڑے ہو کر پیشاب کرنا شروع کر دیا ، صحابۂ کرام نے اسے اس حرکت سے روکا تو پیارے آقا ، مدنی مصطفےٰ صَلَّی اللہُ عَلَیْہِ وَاٰلِہٖ وَسَلَّم  نے صحابۂ کرام عَلَیْہِمُ الرِّضْوَان کو رَوْک