بیان سننے کی نیتیں

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔ ^([1])

اے عاشقانِ رسول! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! *پورا بیان سُنوں گا *بااَدب بیٹھوں گا *سُستی سے بچوں گا  *اپنی اِصْلاح کے لئے بیان سُنوں گا *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو!  ذِیْقَعْدۃُ الْحَرام کی 29 یا 30 تاریخ کو اعلیٰ حضرت ، امامِ اہلسنت ، شاہ امام اَحْمَد رضا خان رَحمۃُ اللہِ عَلَیْہ کے والِدِ محترم رَئِیْسُ الْمُتَکَلِّمِیْن مولانا نقی علی خان رَحمۃُ اللہِ عَلَیْہ کا عُرسِ پاک ہوتا ہے ، اسی مُنَاسبت سے آج ہم اِنْ شَاءَ اللہ الْکَرِیْم! حضرت عَلَّامہ مولانا نقی علی خان رَحمۃُ اللہِ عَلَیْہ کی سیرت پاک کے چند پہلو سننے اور دَرْس حاصِل کرنے کی سَعَادت حاصِل کریں گے۔ اللہ پاک ہم سب کو ولئ کامِل ، عالِمِ  باعَمَل مولانا نقی علی خان رَحمۃُ اللہِ عَلَیْہ کے فیضان سے مالا مال فرمائے۔ آمین بجاہ النبی الامین صَلَّی اللہُ عَلَیْہِ وَاٰلِہٖ وَسَلَّم۔       

عُلَمائے کرام کے چند فضائل

 اے عاشقانِ رسول !حضرت عَلَّامہ ، مولانا نقی علی خان رَحمۃُ اللہِ عَلَیْہ بلند رُتبہ اور باعَمَل عالِمِ دین تھے ، ان کی سیرتِ پاک کا بیان سننے سے پہلے آئیے! قرآن و حدیث کی روشنی میں عُلَمائے کرام کے چند فضائل سُن لیتے ہیں تاکہ دِل میں عُلَمائے کرام کی اہمیت