اَلْاَمَانُ وَالْحَفِیظ...!!اے عاشقانِ رسول! یہ کوئی قصّہ کہانی نہیں ہے، اِمام اِبن ابی الدنیا رحمۃُاللہ  عَلَیْہ بہت بڑے مُحَدِّث ہیں، آپ نے باقاعِدہ سَنَد کے ساتھ یہ واقعہ لکھا ہے۔ اس میں غور فرمائیے! کتنی عبرت کی بات ہے!اللہ  پاک ہم سب کو بُغضِ صحابہ و اَہْلِ بیت سے محفوظ فرمائے۔ ہم اَلحمدُ لِلّٰہ! عاشقانِ صحابۂ و اَہْلِ بیت ہیں، تمام صحابہ اور سارے اَہْلِ بیت ہمارے سروں کے تاج، ہمارے دِل کا قرار ہیں، اللہ  پاک اس اِیمانی مَحبّت کو ہمیشگی عطا فرمائے، کاش! اِسی مَحبّت کے ساتھ جینا، اِسی میں مرنا، اِسی مَحبّت کے ساتھ قبر میں اُترنا اور قیامت کے روز اُٹھنا نصیب ہو جائے۔ اٰمِیْن بِجَاہِ النَّبِیِّ الْاَمِیْن صَلَّی اللہُ تَعَالٰی عَلَیْہِ وَاٰلہٖ وَسَلَّم ۔

جینا مرنا اُن کی اُلفت میں ہو یارَبّ! اور ہو     قُرب جنّت میں عطا اَصْحاب و اَہْلِ بیت کا

حشر میں مجھ کو شفاعت کی عطا خیرات ہو       واسطہ یا مصطفےٰ! اَصْحاب و اَہْلِ بیت کا

دے گُنَاہوں سے نجات اور مُتّقی مجھ کو بنا      یااِلٰہی!        واسطہ          اَصْحاب        و    اَہْلِ      بیت     کا^([1])

ترجمانِ نبی، ہم زبانِ نبی

پیارے اسلامی بھائیو! ہم نے آیتِ کریمہ سُنی:

مَنْ كَانَ عَدُوًّا لِّلّٰهِ وَ مَلٰٓىٕكَتِهٖ وَ رُسُلِهٖ وَ جِبْرِیْلَ وَ مِیْكٰىلَ فَاِنَّ اللّٰهَ عَدُوٌّ لِّلْكٰفِرِیْنَ(۹۸) (پارہ:1، بقرہ:98)

تَرْجمۂ کَنْزُالعِرْفان: جو کوئی اللہ  اور اس کے فرشتوں اور اس کے رسولوں اورجبرائیل اور میکائیل کا دُشمن ہو تو اللہ  کافروں کا دُشمن ہے۔

اِس آیتِ کریمہ سے دُوسری اَہَم بات جو سیکھنے کو ملی، وہ یہ کہ حضرت فاروقِ اَعظم رَضِیَ اللہُ تَعَالٰی عَنْہُ  نہایت اُونچے رُتبے والی ہستی ہیں۔آپ کی زبان سے جو اَلفاظ ادا ہوئے، اللہ