آهي، اسان جيئن ته ٻانها آهيون، تنهنڪري بندگي جو حق ادا ڪندا ئي رهنداسين.

الله پاڪ جا محبوب ٻانها

الله پاڪ حضرت داؤد عَلَیْهِ السَّلَام  ڏانهن وحي فرمائي: اِنَّ اَوَدَّ الْاَوْدَاءِ اِلَیَّ مَنْ عَبَدَنِیْ بِغَیْرِ نَوَالٍ لٰکِنْ لَّیُعْطِیَ الرُّبُوْبِیَّۃَ حَقَّہَا يعني مون کي تمام پيارو اهو آهي جيڪو بغير ڪنهن عيوض جي منهنجي عبادت ڪري ۽ ربوبيت (يعني منهنجي رب هجڻ) جو حق ادا ڪري. ”زبور شريف“ ۾ آهي: ان کان وڌيڪ ظالم ڪير آهي جيڪو جنت يا جهنم جي ڪري منهنجي عبادت ڪري، جيڪڏهن مان جنت ۽ جهنم پيدا نه ڪريان ها ته ڇا منهنجي اطاعت نه ڪئي وڃي ها...؟؟ ^([1])

جيڪڏهن الله جنت ۽ دوزخ نه بڻائي ها ته...؟؟

هڪ ڀيري ڪجهه بزرگ حضرت رابعه رَحْمَةُ الـلّٰـهِ عَـلَيْہا جي خدمت ۾ حاضر هئا، پاڻ رَحْمَةُ الـلّٰـهِ عَـلَيْہا پڇيو: الله پاڪ جي عبادت ڇو ڪندا آهيو؟ هڪ جواب ڏنو: اسان جهنم کان خوفزده آهيون، قيامت جي ڏينهن جهنم جي مٿان (يعني پُل صِراط تان) گذرڻو پوندو، ان کان محفوظ رهڻ لاءِ عبادت ڪندا آهيون. هڪ ٻئي شخص چيو: اسان جنت ۾ وڃڻ لاءِ عبادت ڪندا آهيون. حضرت رابعه رَحْمَةُ الـلّٰـهِ عَـلَيْہا فرمايو: الله پاڪ جي عبادت فرضِ عين آهي، جيڪڏهن هو جنت ۽ دوزخ پيدا نه ڪري ها ته ڇا ٻانها ان جي عبادت کان انڪار ڪري ڇڏين ها؟^([2])

جس کا عمل ہو بےغرض اس کی جزاء کچھ اور ہے

حُور وخیام سے گزر، بادہ وجام سے گزر

وضاحت: يعني اهو ضروري ناهي ته جنتي حُورون، اتي جا محلات ۽ اتي جي پاڪيزه شراب حاصل ڪرڻ لاءِ ئي عبادت ڪرڻي آهي، عبادت خالص بندگي جو حق آهي، انهن شين جي فڪر ڇڏي الله پاڪ جي محبت ۾