سمجھائیے! گھر میں مدنی چینل چلوا دیجئے! اِنْ شَآءَ اللہ  الْکَرِیْم! گھر میں دِینی ماحول بن جائے گا(10):گھر میں کتنی ہی ڈانٹ بلکہ ما ر بھی پڑے ،صَبرصَبراور صَبر کیجیے ۔اگر آپ زَبان چلائیں گے تو دینی ماحول بننے کی کوئی اُمّید نہیں بلکہ مزید بِگاڑ پیدا ہو سکتا ہے کہ بے جا سختی کرنے سے بسا اوقات شیطان لوگو ں کو ضِدّی بنا دیتا ہے(11):اپنے گھر والوں کی دنیا و آخِرت کی بہتری کے لیے  دل سَوزی کے ساتھ دعا بھی کر تے رہئے کہ فرمانِ مصطَفٰے صَلَّی اللہ  تَعَالٰی عَلَیْہِ وَاٰلِہٖ وَسَلَّمَ ہے : اَلدُّعَاءُ سِلَاحُ الْمُؤْ مِنِ یعنی دُعا مومِن کا ہتھیار ہے۔^([1])(12):مسائلُ القُرآن صفحہ290پر ہے :ہر نَماز کے بعد یہ دُعا اوّل وآخِر دُرود شریف کے ساتھ ایک بار پڑھ لیجیے ،اِنْ شَآءَ اللہ  الْکَرِیْم! بال بچے سنّتوں کے پابند بنیں گے اور گھر میں دینی  ماحول قائم ہو گا ۔(دعا یہ ہے:)

اَللّٰہُمَّ رَبَّنَا هَبْ لَنَا مِنْ اَزْوَاجِنَا وَ ذُرِّیّٰتِنَا قُرَّةَ اَعْیُنٍ وَّ اجْعَلْنَا لِلْمُتَّقِیْنَ اِمَامًا(۷۴)

                                                                                                                                      (پارہ :19،الفرقان:74)

مکتبۃُ المدینہ سے ایک چھوٹا رسالہ ملتا ہے: 72 نیک اَعْمال، یہ حاصِل کیجیے ! خُود بھی اِس کے مُطَابِق عمل کیجیے ! اور گھر میں بھی جہاں تک ممکن ہو، اسے نافذ کیجیے ! اِنْ شَآءَ اللہ  الْکَرِیْم!گھر کا ماحول بہترین ہو جائے گا۔

پابندی سے ہر ماہ کم از کم 3دن کے قافلے میں عاشِقانِ رسول کے ساتھ سنّتوں بھرا سفر کر کے گھر والوں کے لیے  بھی دُعا کیجیے  ۔ قافلے  میں سفر کی بَرَکت سے بھی گھروں میں دینی ماحول بننے کی مَدَنی بہاریں سننے کو ملتی ہیں۔