حقیقت میں آپ صَلَّی اللّٰہُ تَعَالٰی عَلَیْہِ واٰلہٖ وَسَلَّمَ سر تا پا نور ہی نور تھے۔

    (حدائقِ بخشش، ص۳۶۳)

صَلُّو ْا عَلَی الْحَبِیْب!                                  صَلَّی اللہُ تَعَالٰی عَلٰی مُحَمَّد

برکاتِ نبوت کا ظہور

چنانچہ منقول ہے کہ ولادت سے کچھ دن پہلے اصحابِ فیل کے ہلاک ہونے  کا واقعہ پیش آنا،فارس  میں غیر مسلموں کی ایک ہزار سال سے جلائی ہوئی آگ کا ایک لمحہ میں بجھ جانا، کسریٰ کے محل کا زلزلہ اور اس کے چودہ(14) کنگروں کا گر جانا،”ہَمدان“ اور”قُم“ نامی شہروں کے درمیان چھ میل لمبے چھ میل چوڑے ”بُحَیْرهٔ ساوَہ“ نامی دریا  کا یکایک بالکل خشک(Dry) ہو جانا،حضورپُرنورصَلَّی اللّٰہُ عَلَیْہِ واٰلہٖ وَسَلَّمَ کی والدہ کے بدن سے ایک ایسے نور کا نکلنا جس سے ”بصریٰ“کے محل روشن ہو گئے۔یہ سب واقعات اسی سلسلے کی کڑیاں ہیں جو حضورِاکرم،نورِ مجسمصَلَّی اللّٰہُ عَلَیْہِ واٰلہٖ وَسَلَّمَ کی تشریف آوری سے پہلے ہی عالمِ کائنات کو خوشخبری دینے لگے۔ (المواھب اللدنية وشرح الزرقانی،ولادتہ...الخ، ۱/۱۶۷ ،۲۲۱،۲۲۸،۲۲۷)