منقول ہے کہ کعبہ شریف روزِ قیامت پہلی رات کی دُلہن کی طرح اُٹھایا جائے گا تو جن لوگوں نے اِس کا حج کیا وہ اس کے پردوں کے ساتھ لٹکے ہوں گے اور اس کے گرد طواف کر رہے ہوں گے یہاں تک کہ کعبہ شریف جنّت میں داخِل ہو گا تو وہ بھی اُس کے ساتھ داخِل ہو جائیں گے۔ ^([1])   

تصدق ہو رہے ہیں ، لاکھوں بندے گِرد پھِر پھِر کر        طوافِ خانہ کعبہ ، عجب دلچسپ منظر ہے^([2])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

کعبہ شریف میں واضِح نشانیاں ہیں

پیارے اسلامی بھائیو!  کعبہ شریف کا چوتھا وَصْف جو اللہ پاک نے پارہ 4 ، سورۂ آلِ عمران کی آیت : 97 میں بیان فرمایا ، وہ ہے :

فِیْهِ  اٰیٰتٌۢ  بَیِّنٰتٌ  مَّقَامُ  اِبْرٰهِیْمَ  ﳛ   (پارہ4 ، سورۃآلِ عمران : 97)                                              

ترجمہ کنزُ العِرفان : اس میں کھلی نشانیاں ہیں ، ابراہیم کے کھڑے ہونے کی جگہ۔

تفسیرِ نعیمی میں اس آیت کے تحت ہے : اس سے مراد یہ نہیں کہ صِرْف کعبہ شریف میں اللہ پاک کی نشانیاں ہیں بلکہ مراد یہ ہے کہ خود کعبہ شریف میں ، اس کے آس پاس مسجدِ حرام شریف میں بلکہ سارے مکہ مکرمہ اور حُدُودِ حرم میں اللہ پاک کی واضِح نشانیاں ہیں۔ ^([3])

اے عاشقانِ رسول !    کعبہ شریف ، مسجِدِ حرام اور مکہ مکرمہ میں اللہ پاک کی یہ واضِح نشانیاں کیا ہیں؟ اس بارے میں مفسرینِ کرام فرماتے ہیں : *کعبہ شریف کے پاس مقامِ