بیشک  اللہ  پاک نے ایک فِرِشتہ میری قَبْرپر مُقرَّر فرمایا ہے، جسے تمام مَخلُوق کی آوازیں  سُننے کی طاقَت عطا فرمائی ہے، پس قِیامت تک جوکوئی مجھ پر دُرُودِپاک پڑھتا ہے تو وہ مجھے اُس کااور اُس کے باپ کا نام پیش کرتاہے،(اورکہتاہے:) فُلاں  بن فُلاں  نے آپ  صَلَّی  اللہ  عَلَیْہِ واٰلِہٖ وَسَلَّمَ  پر دُرُودِ پاک پڑھا ہے۔

(مجمع الزوائدکتاب الادعیۃ، باب فی الصلاۃ علی النبی… الخ، ۱۰/۲۵۱، حدیث:۹۱ ۱۷۲)

  صَلُّوا عَلَی الْحَبیب!                                                         صَلَّی اللّٰہُ عَلٰی مُحَمَّد  

بیان سننے کی نیتیں

فرمانِ مصطفےٰ  صَلّی  اللہ  عَلَیْہ وآلِہ وسَلَّم :اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم حاصل کرنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

  صَلُّوا عَلَی الْحَبیب!                                                         صَلَّی اللّٰہُ عَلٰی مُحَمَّد   

پارہ:21، سورۂ لقمان، آیت:15 میں  اللہ  پاک ارشاد فرماتا ہے:

وَّاتَّبِـعْ سَبِیْلَ مَنْ اَنَابَ اِلَیَّۚ-

ترجمہ کنز العرفان: اور میری طرف رجُوع کرنے والے آدمی کے راستے پر چل