رک،کتا ب التفسیر،باب اکثر واعلیّ الصلوٰۃ…الخ،۳/ ۱۹۸،رقم:۳۶۳۱ ملتقطاً

بیٹھتے، اُٹھتے، جاگتے، سوتے    ہو الٰہی مِرا شِعار دُرُود

رُوئے انور پہ نور بار سلام             زُلفِ اطہر پہ مُشکبار دُرود

اُس مہک پہ شمیم بیز سلام      اُس چمک پر فروغ بار دُرود

اُن کے ہر جلوہ پر ہزار سلام            اُن کے ہر لمعہ پر ہزار دُرود

سر سے پا تک کروڑ بار سلام            اور سراپا پہ بے شُمار دُرود

(ذوقِ نعت ،ص ۸۶-۸۷)

مختصروضاحت:یعنی اے ربِّ کریم!مجھ پر ایسا کرم فرمادے کہ میں بیٹھتے،اٹھتے،جاگتے،سوتے الغرض ہر وقت دُرُودِ پاک پڑھنا ہی میرا معمول بن جائے۔آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے  چہرۂ انور پر روشن سلام اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے پاکیزہ گیسوئے مبارَکہ پر خوشبوداردُرُود ہو۔آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے جسمِ اَطہر سے نکلنے والی خوشبو پر خوشبو بکھیرنے والا سلام اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی چمک پر نور برسانے والا دُرُود ہو ۔جانِ عالَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکے ہر جلوے پر ہزار سلام اور آپ  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی ہر چمک پر ہزار بار  دُرُود ہوں۔سَر سے پاؤں تک آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر کروڑ بار سلام  اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے پورے جسمِ انور پر بے شمار دُرُود  ہوں۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!حُصُولِ ثَوَاب کی خَاطِر بَیان سُننےسے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ’’نِـيَّةُ الْمُؤْمِنِ خَـیـْرٌ مِّـنْ عَمَلِهٖ‘‘مُسَلمان کی نِیَّت اُس کے عَمَل سے بہتر ہے۔^([1])

دو مَدَنی پھول:(۱)بِغیر اَچّھی نِیَّت کے کسی بھی عَمَلِ خَیْر کا ثَوَاب نہیں مِلتا۔