خوږو او مُحترمو اسلامي ورونړو! د بيان په آخره کښې د سُنَّتو فضيلت او يو څو سُنَّتونه او د ژوند تيرولو د آدابو بيانولو ثواب حاصلووم. يوه ورځ تاجدارِ رِسالت، شَهَنْشاهِ  نُبُوَّت صَلَّى اللهُ  عَلَيْهِ وَاٰلِهٖ وَسَلَّم درې ځله اُوفرمائيل: زما په نائب دِ د الله پاک رَحمت وي۔ عرض اوکړے شو: حُضُور! ستاسو نائب څوک دے؟ اُوئې فرمائيل: زما سُنَّتو سره مَحبَّت کوونکي او نورو ته زده کوونکي۔^[1]

سینہ   تیری  ُسنَّت  کا  مدینہ  بنے  آقا                                                جنت میں   پڑوسی  مجھے  تم   اپنا   بنانا

سِينه مې دِ شي  جوړه  د  سنّتو  مدينه  خوږه آقا     جنّت كښې مې خپل جوړ كړه ګاونډي خوږه آقا

”مُصافَحه کول“ سُنَّتِ مُصطَفىٰ دي

دوه فرامینِ مُصطَفىٰ صَلَّى اللهُ عَلَيْهِ وَاٰلِهٖ وَسَلَّم: (1): خپل مينځ کښې مُصافَحه کوئ (يعني لاس ميلاووئ) دې سره بُغض و کِينه لرې کيږي^[2] (2): چې دوه مسلمانان خپل مينځ ميلاو شي او لاس ميلاو کړي نو د هغه دواړو ګناهونه اُوريژيږي^[3]

      اے عاشقانِ رسول! سلام کولو وخت کښې لاس ميلاوول سُنَّتِ مُصطَفىٰ دي *زمونږه خوږ آقا و مَولٰی، مكِّـى مَدَنـى مُصطَفىٰ صَلَّى اللهُ عَلَيْهِ وَاٰلِهٖ وَسَلَّم به د ملاقات په وخت کښې صحابۀ كرامو عَـلَيْهِمُ الرِّضْوَان ته سلام کولو او په دواړو لاسو به ئې ورسره مُصافَحه کوله (يعني لاس ميلاوولو)۔

    *ياد ساتئ! مُصافَحه په دواړو لاسو کول سُنَّتِ مُبارکه ده، يو لاس ميلاوول سُنَّت نه دي *بعضې خلق صرف ګوتې خپل مينځ کښې اولګوي، دا هُم سُنَّت نه دي ^[4]