اِنَّ  اَوَّلَ  بَیْتٍ  وُّضِعَ  لِلنَّاسِ   (پارہ4،سورۃآلِ عمران:96-)          

مفهوم ترجمہ کنزُ العِرفان: بيشكه د ټولو نه وړومبے كور كوم چې د خلقو د عبادت د پاره جوړ شوے دے

    د دې آيت نه معلوم شوه چې كعبه شريفه د دُنيا د ټولو نه اوَّلنئ عبادت ګاه ده. بلكه حضرت عبدُ الله بِن عباس رَضِیَ الله عَنْهُما په يو مقام کښې كعبةُ الله شريف ته ”سُرَّۃُ الْاَرْض“ فرمائيلي دي^([1]) د ”سُرَّۃُ الْاَرْض“ معنٰى ده: د زمكې نوم. مطلب دا چې د زمكې په كومه ټكړه باندې خانه كعبه  شريفه موجود ده، دا ټكړه د ټولو نه اوّل پيدا كړے شوي ده او د دې ځائے نه ټوله زمكه خوره شوي ده.

     په اصل كښې چې كله دا زمكه نه وه، اسمان نه وو، عرشِ اِلٰهي په اوبو باندې وو، الله پاك يوه زوروره هوا رااوليږله، د هغې په وجه په اوبو كښې چپے پيدا شوې، د هغه چپو په وجه په اوبو زګ جوړ شو، بيا د هغې نه بُخارات اوچت شو، هم هغه بُخارات الله پاك اوچت كړل او  د هغې نه ئې اسمان جوړ كړو. ځکه الله پاك اسمان ته ”لوګے“ وئيلے دے، [قرانِ مجيد کښې] ارشاد دے:

وَ هِیَ دُخَانٌ  (پارہ24،سورۃحٰمٰ السجدۃ:11)                                                      

مفهوم ترجمہ کنزُ العِرفان: او اسمان لوګے وو.

     بيا په اوبو چې كوم زګ جوړ شوے وو، الله پاك هغه زګ خور كړو، د هغې نه ئې زمونږ د پاره زمكه جوړه كړه. دغه شان وړومبئ زمكه جوړه  شوه. بيا اسمان جوړ شو، بيا د اسمانونو مكمل كيدلو نه پس زمكه خوره كړے شوه. الله پاك ارشاد فرمائي:

وَ الْاَرْضَ بَعْدَ ذٰلِكَ دَحٰىهَاؕ(۳۰)   (پارہ30،سورۃالنازعات:30)                       

مفهوم ترجمہ کنزُ العِرفان: او د هغې نه پس ئې زمكه خوره كړه.