زمونږ خوږ نبـي صَلَّى اللهُ عَلَيْهِ وَاٰلِهٖ وَسَلَّم ارشاد فرمائيلي دي: تَرَکْتُ فِیْکُمْ اَمْرَیْن، زه په تاسو كښې دوه څيزونه پريږدم، لَنْ تَضِلُّوْ مَا تَمَسَّکْتُمْ بِہِمَا، ترڅو پورې چې مو دا دواړه مضبوط نيولي وي، هيڅ كله به نه ګمراه كيږئ: (1) کِتَابُ اللّٰہ (د الله پاك كتاب يعنې قرآنِ كريم) (2) وَ سُنَّۃُنَبِیِّہٖ (او د الله پاك د نبـي صَلَّى اللهُ عَلَيْهِ وَاٰلِهٖ وَسَلَّم سُنَّت يعنې حديثِ پاك).^[1] په يو حديثِ پاك كښې ارشاد فرمائي: چا چې د دين مُتَعَلِّق 40 احاديث ياد كړل، الله پاك به په ورځ د قيامت هغه د عُلماؤ او فُقَهاؤ په صف كښې پاڅوي.^[2]       

د  يو حديثِ پاك اوريدلو د پاره ئې پوره كال روژے اونيولې

    افسوس! اوس د احاديثو لوستلو، اوريدلو شوق ډير كم شوے دے. مـا شَــآءَالـلّٰـه! په پخوانو مسلمانانو كښې د احاديثو لوستلو، اوريدلو او احاديثو يادولو ډير شوق وو، اِمام جَلَالُ الدِّين سُيُوطِـى شافِعِـى رَحْمَةُ اللهِ عَلَيْه نقل كوي، فرمائي: حضرت اَبُوالْعَباس مُسْتَغْفِرِى رَحْمَةُ اللهِ عَلَيْه يو ځل مصر ته لاړو او د هغه ځائے د مُحَدِّث حضرت اَبُو حَامِد مِصْرِى رَحْمَةُ اللهِ عَلَيْه په خدمت كښې حاضر شو، عرض ئې اوكړو: ما ته حدِيثِ خالد بِن وليد واوروئ. حضرت اَبُو حَامِد مِصْرِى رَحْمَةُ اللهِ عَلَيْه اوفرمائيل: اوَّل يو كال روژے اونيسه.

    اَلـلّٰـه! اَلـلّٰـه! اندازه اولګوئ! حضرت اَبُوالْعَباس مُسْتَغْفِرِى رَحْمَةُ اللهِ عَلَيْه خپل كور پريښودے وو، سفر ئې كړے وو، د هغه دَور سفر به د مشكلاتو نه ډك وو، هغه وخت ګاډي، جهازونه وغيره نه وو، د دومره مشكلاتو باوُجود هغوئي مصر ته اورسيدلو، ولے؟ د يو حديثِ پاك اوريدلو د پاره. بيا چې كله د هغه ځائے د مُحَدِّث په خدمت كښې حاضر