شافعی کی ، حنبلی امام احمد بن حنبل کی اور مالکی امام مالک(عَلَیْھِمُ الرَّحْمَۃ)کی پیروی کرنے والوں کو بولتے ہیں۔ ان سب کے نظریات قرآن وحدیث کے عین مُطابق اور ایک ہی ہیں ، یہ آپس میں بھائی بھائی ہیں ، البتہ شرعی مسائل( جیسےنماز ، روزہ ، زکوٰۃ وغیرہ کے مسائل) میں قرآن و حدیث کی روشنی میں انہوں نےاپنی اپنی تحقیقات بیا ن فرمائی ہیں ، تو یہ اُمت کے ائمہ ہوئے اور اُمت کو علماء کی پیروی کا حکم دیا گیا تو اُمت نے ان کی پیروی کی ، اس لیے حنفی ، شافعی ، مالکی اور حنبلی  وغیرہ کہلائے۔ اسی طرح اپنے باطن کی اصلاح ، دِین و شریعت پر عمل اپنی زندگی میں نافذ کرنے ، نیک لوگوں سے نسبت پانے اور ان کے طریقِ کار پر چلتے ہوئے ، قرآن وحدیث  کی تعلیمات کو اپنا نے کے لیے اُمت نے مُختلف بزرگوں کا دامن تھاما تو یہ قادری ، چشتی ، سہروردی ، نقشبندی کہلائے۔ یہ سب کے سب اللہ  پاک کے بندے اور حضور صَلَّی اللہُ  عَلَیْہِ واٰلِہٖ وَسَلَّمَ  کے اُمتی ، محبّانِ صحابہ و اہلبیت ، علماء کے چاہنے والے اورعاشقانِ اولیاء ہیں۔

صَلُّو ْا عَلَی الْحَبِیْب!                                              صَلَّی اللہُ  عَلٰی مُحَمَّد

تَصَوُّف کس چیز  کا  نام ہے؟

پیارے پیارےاسلامی  بھائیو!اعلیٰ حضرترَحْمَۃُ اللّٰہ ِ عَلَیْہ شریعت میں مفتیِ اسلام اور تَصَوُّف میں ولی ِکامل کےمنصب پر فائز تھے۔ یادرکھئے!تصوف اتباعِ شریعت کانام ہے ، تَصَوُّف گناہوں سے بچنےکا نام ہے ، تَصَوُّف سُنّتوں پر عمل پیرا ہونے کا نام ہے ، تَصَوُّف رِضائے الٰہی پانےوالےکام کرنے کا نام ہے ، تَصَوُّف حقوقاللہکی پاسداری کا نام ہے ، تَصَوُّف حقوق العبادکی پابندی(یعنی بندوں کے حقوق پورے)  کرنے کا نام ہے ، تَصَوُّف دِینِ اسلام پر عمل کا نام ہے ، تَصَوُّف نمازوں کی پابندی کانام ہے۔ تصوف فرض  و واجب اورمستحب کو اپنانے کا نام ہے ، تصوف مسلمانوں کی پریشانیوں