چلتے ہوئے جو چیز بھی آڑے آئے اُسے لاتیں مارتے  جاتے ہیں ، یہ قطعاً غیرمُھَـذَّب طریقہ ہے ، اِس طرح پاؤں زخمی ہونے کا بھی اندیشہ رہتا ہے نیزاَخبارات یا لکھائی والے ڈبوں ، پیکٹوں اور مِنرل واٹر کی خالی بوتلوں وغیرہ پر لات مارنا   بے اَدَبی  بھی ہے۔

صَلُّوْا عَلَی الْحَبِیْب!                                                     صَلَّی اللہُ عَلٰی مُحَمَّد

*شوگر کے مرض سے شِفا کی دُعا

دعوتِ اسلامی کے ہفتہ وار سُنّتوں بھرے اجتماع کے شیڈول کےمطابق “ شوگر کے مرض سے شِفا کی دعا “ یادکروائی جائے گی۔ وہ دُعایہ ہے :

رَبِّ اَدْخِلْنِي مُدْخَلَ صِدْقٍ وَاَخْرِجْنِي مُخْرَجَ صِدْقٍ وَاجْعَلْ لِي مِنْ لَدُنْكَ سُلْطَانًا نَّصِيرًا

(پ۱۵ ، بنی اسرائیل : ۸۰)

تَرجَمہ کنز الایمان : اےمیرےرب مجھے سچی طرح داخل کراور سچی طرح باہر لے جا اور مجھے اپنی طرف سے مددگار غلبہ دے ۔

نوٹ یہ قرآنی دعا روزانہ صبح و شام تین تین بار  (اول و آخر تین تین بار درود شریف) پڑھ کر پانی پر دم کر کے پیئں۔

 (مدت علاج تا حصولِ شفا)  (مدنی پنج سورہ ، ص 244)

صَلُّوْا عَلَی الْحَبِیْب!                                            صَلَّی اللہُ عَلٰی مُحَمَّد

*اجتماعی جائزے کا طریقہ(72نیک اعمال (

فرمانِ مُصْطَفٰے صَلَّی اللہُ عَلَیْہِ واٰلِہٖ وَسَلَّمَ : (آخرت کے معاملے میں)گھڑی بھر غور و فکر کرنا 60 سال کی عبادت سے بہتر ہے۔ (جامع صغیرللسیوطی ، ص۳۶۵ ، حدیث : ۵۸۹۷)