چیز کو دُھتکار رہے ہیں؟ مالِکِ جنّت، صاحِبِ کوثَر صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا: دُنیا میرے سامنے آئی، میں نے اُس سے کہا: اِلَیْکَ عَنِّی یعنی اے دُنیا! مجھ سے دُور ہو جا...!

حضرت اَبُو بکر صِدِّیق رَضِیَ اللہُ تَعَالٰی عَنْہُنے مزید فرمایا: آج جب پانی کی جگہ مجھے شربت پیش کیا گیا تو مجھے آقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی دُنیا سے بےرغبتی یاد آگئی اور مجھے خوف ہوا کہ کہیں میں دُنیوی آسائشوں کا شِکار نہ ہو جاؤں۔^([1])

آئیے! بارگاہِ اِلٰہی میں دُعا کرتے ہیں:

حُبِِّ دُنیا میں دِل پھنس گیا ہے                                                                 نفسِ بدکار حاوِی ہوا ہے

ہائے شیطاں بھی پیچھے پڑا ہے                                                                      یاخُدا! تجھ سے میری دُعا ہے

عشقِ اَحمد میں آنسو بہاؤں                                                                                               حُبِِّ دُنیا سے خود کو بچاؤں

ایسی توفیق دے اِلتجا ہے                                                                                           یاخُدا!              تجھ             سے             میری            دُعا           ہے^([2])

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

کافِروں کے لیے دُنیا اور ہمارے لیے آخرت

مسلمانوں کے دوسرے خلیفہ، حضرت عمر فاروقِ اعظم رَضِیَ اللہُ تَعَالٰی عَنْہُبارگاہِ رسالت میں حاضِر ہوئے، دیکھا؛ ایک چمڑے کا تکیہ ہے، جس کے اندر کھجور کی چَھال بھری ہوئی ہے، سرکارِ عالی وقار، مکی مَدَنی تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ اِس تکیے پر ٹیک لگائے کُھردرے بان سے بُنی ہوئی چار پائی پر لیٹے ہوئے ہیں، چار پائی پر کوئی بستر یا کپڑا بھی نہیں تھا، جب سرکارِ عالی وقار، مکی مَدَنی تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ چار پائی سے اُٹھے تو آپ کے جسمِ