یاد رکھئے! جس طرح قرآنِ پاک میں اللہ پاک نے بد نگاہی سے بچنے کا حکم ارشاد فرمایا ہے، اسی طرح کثیر احادیثِ مبارکہ میں بھی مسلمان مردوں کو نظریں نیچی رکھنے اوراللہ پاک کی حرام کردہ چیزوں کو دیکھنے سے بچنے کا حکم دیا گیا ہے۔آئیے!اس بارے میں 3 فرامینِ مُصْطَفٰے صَلَّی اللہُ  عَلَیْہِ واٰلِہٖ وَسَلَّمَ سنئے:

نگاہیں نیچی رکھنے کے متعلق 3 احادیثِ طیّبہ

(1)فرمایا:’’تم راستوں میں بیٹھنے سے بچو۔‘‘ صحابہ ٔکرام رَضِیَ اللہُ  عَنْہُم اَجْمَعین نے عرض کی: یا رسولَ اللہ صَلَّی اللہُ  عَلَیْہِ واٰلِہٖ وَسَلَّمَ! راستوں میں بیٹھے بغیر ہمارا گزارہ نہیں، ہم وہاں بیٹھ کر باتیں کرتے ہیں۔ارشاد فرمایا:اگر راستوں میں بیٹھے بغیر تمہیں کوئی چارہ نہیں تو راستے کا حق ادا کرو۔صحابہ ٔکرام رَضِیَ اللہُ  عَنْہُم اَجْمَعین نے عرض کی: راستے کا حق کیا ہے؟ ارشاد فرمایا:نظر نیچی رکھنا، تکلیف دہ چیز کو دُور کرنا۔سلام کا جواب دینا،نیکی کی دعوت دینا اور بُرائی سے منع کرنا۔( بخاری، ۲/۱۳۲،الحدیث:۲۴۶۵)

(2)فرمایا:تم ضرور اپنی نگاہیں نیچی رکھو گے اور اپنی شرمگاہوں کی حفاظت کرو گے اور اپنے چہرے سیدھے رکھو گے یا پھر اللہ پاک تمہاری شکلیں بگاڑ دے گا۔(معجم کبیر،۸/۲۰۸، حدیث:۷۸۴۰)

(3)فرماىا:اىک نظر کے بعددوسرى نظر نہ کرو(ىعنى اگر اچانک بِلاارادہ کسى نامحرم پر نظر پڑى تو فوراً نظر ہٹا لے اور دوبارہ نظر نہ کرے)کہ پہلى نظرجائز اور دوسرى ناجائز ہے۔( ابو داود،کتاب النکاح، باب ما یؤمر به من غض البصر، ۳۵۸/۲، حدیث:۲۱۴۹ملتقطاً)