عرشِ عُلا پر ربّ نے بُلایا         اپنا جلوۂ خاص دِکھایا

خَلْوَت والے جَلْوَت والے           تم پر لاکھوں سلام

تم  پر   لاکھوں   سلام

تخت تمہارا عرش خدا کا                   مُلکِ خدا ہے مِلک تمہارا

ربّ کی اعلیٰ خِلافت والے                     تم پر لاکھوں سلام

تم  پر   لاکھوں   سلام

تم کو دیکھا حق کو دیکھا     آپ کی صورت اُس کا جلوہ

اچھی اچھی صُورت والے           تم پر لاکھوں سلام

تم  پر   لاکھوں   سلام

چشمِ  سَر نے حق کو دیکھا      دل نے حق کو حق ہی جانا

اے حقّانی صورت والے         تم پر لاکھوں سلام

تم  پر   لاکھوں   سلام

(سامانِ بخشش،ص۸۰ تا۸۳)

اللہ کی عنایت                      مرحبا           معراج کی عظمت         مرحبا          اَقْصیٰ کی شوکت                 مرحبا

بُراق کی قسمت                     مرحبا           بُراق کی سُرعَت            مرحبا          نبیوں کی اِمامت                مرحبا

آقا کی رِفْعت                       مرحبا           آسماں کی سِیاحت         مرحبا          مکینِ لامکاں کی عظمت         مرحبا

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

سُبْحٰنَ اللہ!سُنا آپ نے!رسولِ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا سَفرِ معراج کس قدر عظمتوں اور عنایتوں سے بھرپور تھا،جس میں قدم قدم پر رحمتِ عالَم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ربِّ کریم کی کئی عظیمُ الشّان نشانیاں مُلاحَظہ فرمائیں،یہ بھی معلوم ہوا کہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے سینۂ