Book Name:Aaqa Kareem Ki Ummat Say Muhabbat
توتلاوتِ قرآن کرنے والا ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو ناجائز و حرام کاموں سے بچنے والا بلکہ اپنی اولاد وغیرہ کو ان کاموں سے بچانے والا ، ان کی صحیح اسلامی تربیت کرنے والاہوناچاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو خوفِ خدا والا ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو اپنی اور ساری دنیا کے لوگوں کی اصلاح کی کوشش کرنے والا ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو بہترین خوبیوں سے آراستہ ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی توبے حیائی کے کاموں سے بچنے والا ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو باطنی بُرائیوں سے دُور ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو مسلمانوں کا خیرخواہ ہونا چاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی رحمتِ کونین ، نانائے حَسَنَیْن صَلَّی اللہُ عَلَیْہِ واٰلِہٖ وَسَلَّمَ کی اطاعت و فرمانبرداری کرنے والا ہوناچاہئے ، آقا صَلَّی اللہُ عَلَیْہِ واٰلِہٖ وَسَلَّمَ کا اُمّتی تو سُنّتوں کی پیروی کرنے والا ہونا چاہئے۔ اللہ کریم ہم سب کو آقا کریم صَلَّی اللہُ عَلَیْہِ واٰلِہٖ وَسَلَّمَ کی سنتوں پر عمل کرنے کی توفیق نصیب فرمائے۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
جشنِ وِلادت کے بارے میں مکتوبِ عطَّار
پیارے پیارے اسلامی بھائیو!صَفَرُالْمُظَفَّر کا مُبَارَک مہینا اپنے اِخْتِتَام کی جانب رَواں دَواں ہے۔ پھر اِنْ شَآءَ اللہ رَبِیْعُ الْاَوَّل کا نُور بار مہینا اپنی آب و تاب کے ساتھ جَلْوَہ گَرہوگا۔ شَیْخِ طریقت ، اَمیرِاَہْلسُنَّت ، بانیِ دعوتِ اسلامی حضرت علامہ مولانا محمدالیاس عطّارقادِری دَامَتْ بَرَکَاتُہُمُ الْعَالِیَہنے جَشنِ مِیْلَادمَنانے والے عاشقانِ مِیلادکواپنے مکتوب(Letter) میں کچھ اَہَمّ مَدَنی پُھول عطا فرمائے ہیں۔ آئیے!ہم بھی وہ “ مکتوبِ عطّار “ تَوَجُّہ کے ساتھ سُنّنے کی سَعادت حاصل کرتے ہیں :