اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے!مثلاً نیت کیجئے! *عِلْم سیکھنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبِیْب!                                            صَلَّی اللہُ عَلٰی مُحَمّد

پیارے پیارےاسلامی بھائیو!اِنْ شَآءَ اللہ آج کے بیان میں ہم “ آقا کریم  صَلَّی اللہُ عَلَیْہِ واٰلِہٖ وَسَلَّمَ  کی اُمّت سے محبت “ کے متعلق سنیں گے کہ بروزِ قیامت آپ  صَلَّی اللہُ عَلَیْہِ واٰلِہٖ وَسَلَّمَ  فکرِ اُمّت میں کس قدر غمگین ہوں گے ، گنہگار اُمّتیوں کی بِگڑیاں کیسے بنائیں گے ، آپ  صَلَّی اللہُ عَلَیْہِ واٰلِہٖ وَسَلَّمَ  کے صدقےمیں اُمّتِ مُصْطَفٰےپر دنیا میں جو عنایتیں ہوئیں اور جو آخرت میں ہوں گی ، اس کی چند جھلکیاں بھی بیان کی جائیں گی ، آپ  صَلَّی اللہُ عَلَیْہِ واٰلِہٖ وَسَلَّمَ  نے  دنیا میں اپنی اُمّت کو کتنا یاد فرمایا اور اُمّت کی یاد میں آپ  صَلَّی اللہُ عَلَیْہِ واٰلِہٖ وَسَلَّمَ  کس قدرگِریہ و زاری فرماتےرہے ، یہ بھی سنیں گے ، بیان کےآخر میں اِنْ شَآءَ اللہ عَزَّ  وَجَلَّ مرحبایامُصطفےٰ کی دُھومیں مچاتاہوا ، جشنِ ولادتِ سرکارکی خوشیاں سُناتاہوا پیاراپیارامکتوبِ عطار بھی سننے کی سعادت حاصل کریں گے۔ اللہ کرےکہ ہم سارا بیان توجہ کے ساتھ سننے کی سعادت حاصل کر سکیں۔

صَلُّوْا عَلَی الْحَبیب!                             صَلَّی اللہُ عَلٰی مُحَمَّد

لو وہ آیا میرا حامی

                             حضرت عبدُاللہبن عُمَر  رَضِیَ اللہُ عَنْہُما سےمروی ہے کہ اُمت پر مہربان ، محبوبِ رحمٰن  صَلَّی اللہُ عَلَیْہِ واٰلِہٖ وَسَلَّمَ