(الترغیب والترھیب، کتاب الذکر والدعاء ،الترغیب فی اکثارالصلاۃ علی النبی،۲/ ۳۲۶، حدیث: ۲۵۹۰)

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

بیان سُننے کی نیتیں

فرمانِ مصطفےٰ صَلّی اللہُ عَلَیْہ وآلِہ وسَلَّم:اَفْضَلُ الْعَمَلِ اَلنِّيَّۃُ الصَّادِقَۃُ سچی نیت سب سے افضل عمل ہے۔ ^([1]) اے عاشقانِ رسول! ہر کام سے پہلے اچھی اچھی نیتیں کرنے کی عادت بنائیے کہ اچھی نیت بندے کو جنت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاً نیت کیجئے! *عِلْم حاصل کرنے کے لئے پورا بیان سُنوں گا  * با اَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا  *جو سُنوں گا دوسروں تک پہنچانے  کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے پیارے اسلامی بھائیو!والدین کی خدمت بہت بڑی سعادت ہے، بعض لوگ ماں باپ کی خدمت اور  بَرکت سے بہت  دور  رہ  جاتے ہیں،وہ اِس بات کو سمجھ نہیں پاتے کہ یہ کتنی بڑی ہستیاں ہیں۔  ماں کے بارے میں تو  ہم بہت  سنتے رہتے  ہیں  کہ  ماں کی دُعا جنَّت کی ہوا۔ ماں کے قدموں تلے جنَّت ہے۔ ^([2])ماں کے قدموں کو جنَّت کی چوکھٹ فرمایا گیا۔^([3]) ماں،ماں ہی ہوتی ہے،اِس بات میں کوئی شک نہیں کہ ماں کا کسی سے  موازنہ نہیں کیا جا سکتا ،ماں کا دُنیا میں  کوئی نعم البدل نہیں ہے   لیکن والد کی خدمت اور اَدب و اِحترام